Mendimi ynë rreth NBA 2K21 dhe çfarë ne kemi zbuluar rreth saj
Ky është një vit i çuditshëm për lojërat sportive, pasi konsolat e gjeneratës së ardhshme do të godasin raftet këtë sezon festash, por shumica e ekskluziviteteve të mëdha nga Madden në NBA 2K, sjellin lojëra të reja në fillim të vjeshtës. Si rezultat, një listë e lojërave sportive të gjeneratës aktuale janë ndalur. Një version i Xbox Series X dhe PS5 i NBA 2K21 është në proces, por ndërkohë, ne duhet të shqyrtojmë versionin që kemi pasur në dorë këto kohë për ta analizuar, atë të gjeneratës aktuale të konsolave dhe PC. (lojtarët e PC-ve po marrin përditësime vizuale dhe veçori të reja këtë vit).
A është versioni aktual i NBA 2K21 një lojë shumë e mirë basketbolli e cila është e pavarur nga ajo për next-gen? Apo zhvilluesi Visual Concepts zgjedh të prezantojë një lojë qëllimi i së cilës është të mbajë lojtarin e zënë derisa të dalë versioni i vërtet i lojës me gjeneratën e re?
Jo shumë kanë ndryshuar në këtë vit. Si gjithmonë, NBA 2K21 bën një punë të mirë për të balancuar thellësinë e lojës dhe jetëgjatësinë e saj. Visual Concepts bazohet në përmirësimet e vitit të kaluar në sistemet e animacionit dhe lëvizjes së lojës duke shtuar një larmi lëvizjesh të reja driblimi me një menaxhim të mire të “Pro Stick”, duke e bërë aksionin e lojës të ndihet më i rrjedhshëm se kurrë.
Në fund të fundit, shtesa më e madhe e lojës është shtimi i Pro-Stick, i cili po tregon përçarje mes fansave. Tradicionalisht, gjuajtjet në NBA 2K kanë qenë një çështje për debat, ku ju mbani të shtypur butonin e gjuajtjes, prisni derisa matësi të shkojë në pozicionin e sigurt, pastaj e lëshoni. Gjuajtja Pro-Stick ka të bëjë më shumë me shënjestrën, pasi hapësira e goditjes lëviz në varësi të vështirësisë së saj dhe pozicionit tuaj në fushë. Në të vërtetë, duhet ta drejtoni Pro Stick drejt momentit të duhur në njehsorin e gjuajtjes, për saktësi sa më të lartë.
Sistemi i ri mund të tingëllojë intuitiv, por shënjestrimi është shumë sfidues, që e bën të vështirë të bësh kosh. Është e drejtë se Pro-Stick supozohet të jetë më i bazuar në aftësi, por Visual Concepts ka shkuar pak larg. Shumë fansa të NBA 2K kanë kaluar vite duke përsosur kohën kur ata e lëshimit të topit, kështu që nëse do të ndryshoni shënjestrën, më mirë të keni një arsye të mirë për ta bërë këtë.
Nuk jam i sigurt që e kanë bërë Visual Concepts. Tani, mos u shqetësoni, ju prapë mund të përdorni goditje tradicionale të bazuara në gjetjen e kohës së duhur, edhe pse NBA 2K21 fillimisht i ndëshkoi lojtarët duke përdorur sistemin e vjetër me përqindje ultra të ulta të gjuajtjes. Ky problem është zgjidhur kryesisht në shumicën e mode-eve single-player, duke e zgjidhur shpejtë, por vazhdon ende në disa mode-e multiplayer si Triple Threat Online, Pro-Am dhe Rec. Pra, kryesisht ky është ndryshimi kryesor në gameplay-n e këtij viti.
Vizualisht, NBA 2K21 është pak a shumë e njëjta që ka qenë për dy vitet e fundit. Ndoshta, për disa mund të duket pak më keq. Por, yjet më të mirë ende duken shkëlqyeshëm dhe gjendja e përgjithshme e NBA kapet mirë, por ka shumë bugs në animacione dhe çudira vizuale që ndodhin vazhdimisht. Është e qartë se të gjitha peisazh-et vizuale dhe upgrades po ruhen për versionet e gjeneratës së ardhshme të NBA 2K21.
Siç ka qenë rasti për vite me radhë, NBA 2K21 është ndarë përafërsisht në tri pjesë, MyCareer, MyTeam dhe MyGM/League. MyCareer ofron kryesisht të njëjtën veçori të caktuar si vitin e kaluar, duke përfshirë MyPlayer të përmirësuar, duke shtuar pak upgrades. Prologu kinematografik MyCareer i NBA 2K21 bazohet në vitin e kaluar, me lojtarë që hyjnë në rolin e “Junior”, një basketbollist i talentuar i cili lufton për të jetuar trashëgiminë e të babait të tij, një lojtar legjendar në kolegj i cili nuk hyri dot në NBA. Këtë here ju filloni rrugëtimin tuaj në një shkollë të mesme dhe do të drejtoheni nga një larmi mentorësh të luajtur nga të tillë si Djimon Hounsou dhe vetë Mbreti, Michael K. Williams. Personalisht, shpresoj që Visual Concepts të provojë një histori të re së shpejti, pasi ekzistojnë mjaft histori për djem të vegjël me një ëndërr dhe pamundësi, por tani për tani, NBA 2K21 bën një punë të mirë me këtë formulë. Ndihet sikur ka zgjedhje më kuptimplota për t’u bërë, dhe drafti i NBA, i cili ishte një lloj anti-climax vitin e kaluar, trajtohet më mirë këtë herë.
Ndërsa shkrimet janë solide, prezantimi i MyCareer ka pasur një rënie këtë vit. Në të kaluarën, MyCareer mode është dukur vërtet kinematografik, por cutscenes duken disi të cekëta dhe pa kuptim kësaj here. Natyrisht, pasi prologu të përfundojë dhe të bashkoheni me një ekip të NBA, varet e gjitha nga nga puna që bëni gjatë sezonit.
Megjithëse nuk është aq i zorshëm sa në të kaluarën, është ende një rrugë e gjatë, dhe shumë gjëra të vogla që e bënin lojën gjatë sezonit pak më interesante vitin e kaluar. Ndër to, duke përfshirë intervistat pas ndeshjes dhe ndërveprimet në dhomat e zhveshjes, të cilat janë hequr kësaj rradhe. Në përgjithësi, MyCareer i këtij viti thjesht nuk është aq i mirë-menduar sa Premier Mode në një nga lojërat më të mëdha sportive në treg.
Ndoshta nuk është për t’u habitur, se dy mode-et e NBA 2K21 që Visual Concepts kanë shpenzuar më shumë përpjekje, janë ato që gjenerojnë më shumë para përmes microtransactions. Tashmë “My Neighbourhood” tani është përmirësuar, por upgrade-i është kryesisht kozmetik. Gjërat që mund të bëni aty, është të luani lojëra 3v3 në rrugë ose 5v5 Pro-Am, blini në dyqane të ndryshme kozmetike, etj., kështu që nuk ka ndryshuar shumë.
Fatmirësisht MyTeam zhvendos fokusin nga tema disi pa shije e kazinosë së vitit të kaluar në një strukturë sezonale si Fortnite. Ky është patjetër një ndryshim pozitiv, por, bundles me karta të rastësishme lojtarësh janë ende integrale në këtë mode të stilit Ultimate Team si në FIFA. Shtimi i sezoneve dhe battle pass-it thjesht të jep ndjesinë se 2K po përpiqet t’ju boshatisë xhepat.
Si përfundim, kjo është gjithçka që mund të thuhet për versionin aktual të NBA 2K21. Aksioni është ende argëtues, por kjo është ndoshta loja më pak thelbësore e NBA 2K që kemi luajtur ndonjëherë. Nëse keni blerë lojën e vitit të kaluar, thjesht nuk ka shumë për të justifikuar një investim tjetër në NBA 2K20, të paktën për këtë gjeneratë. Unë do të rekomandoja të prisni për versionin e gjeneratës së ardhshme, por natyrisht, jo të gjithë do të kenë para ose mundësi për të investuar në një konsol të ri në vitin 2020. Në fund të fundit, ju mbetet juve të vendosni nëse do ta lini në stol këtë lojë, apo jo.
NBA 2K21 Review mundësohet nga Albagame. Për ta blerë lojën vizitoni link-et më poshtë:
PS4: http://bit.ly/nba-2k-ps4
PS5: http://bit.ly/nba-2k-ps5
Switch: http://bit.ly/nba-2k21-switch
Xbox One: http://bit.ly/nba-2k21-xbox
Xbox Series X: http://bit.ly/nba-2k21-seriesx