Gaming Lajm i Fundit PC Reviews

Land of the Vikings Early Access Review

Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds

Nëse jeni një fans i lojërave të zhanrit city-bulding dhe i menaxhimit të tyre, jeni me fat pasi kemi mundësinë të provojmë paraprakisht Land of the Vikings. Loja edhe pse është në Early Access, është argëtuese për t’u luajtur dhe mjaft premtuese për të ardhmen. Land of the Vikings është një lojë city-building dhe siç mund ta merrni me mend, në epokën e vikingëve. Loja është e balancuar mirë dhe kjo e bën lojën vërtet të këndshme dhe relaksuese.

Ideja pas lojës nuk sjell asgjë revolucionare, por ka një sërë faktorësh që e bëjnë Land of the Vikings të dallohet paksa në krahasim me konkurrencën. Një nga këta faktorë, për shembull, është se është i vetmi city-bulding me temë vikinge. Gjithashtu, është një nga lojërat e pakta me temë vikinge ku luftimet dhe lufta nuk janë qëllimet kryesore. Ndryshe nga lojërat si Valheim, për shembull, Vikingët tuaj mund të jenë paqësorë dhe definitivisht nuk duhet të luftojnë kundër përbindëshave ose armiqve të tjerë.

Ndërsa filloni një lojë të re, nuk ka asnjë hyrje, asnjë video hyrëse ose ndonjë gjë tjetër. Thjesht jeni futur në një fshat të vogël vikingësh dhe duhet ta menaxhoni atë dhe ta bëni atë të rritet. Siç qëndrojnë gjërat, në këtë version Early Access të Land of the Vikings, loja nuk sjellë asnjë histori.

Meqenëse loja është në Early Access, megjithatë, nuk është e pamundur që disa elementë të historisë ose skenarë të shtohen më vonë.

Loja e Land of the Vikings është mjaft e drejtpërdrejtë dhe e lehtë për t’u mësuar. Loja fillon me një tutorial të thjeshtë që iu mëson bazat. Është gjithashtu e rekomandueshme që të ndiqni objektivat që në fillim pasi janë të dobishme për të kuptuar mekanikën.

Duke folur për vetë lojën, ju duhet të kujdeseni për mbledhjen e lëndëve të para dhe prodhimin e mallrave të mjaftueshëm për ta mbajtur popullsinë tuaj të ushqyer, të pajisur mirë dhe të lumtur. Druri dhe gurët janë resurse goxha të rëndësishme, veçanërisht në fazat e hershme. Ndërsa, fillimisht ushqimin e merrni vetëm nga grumbullimi dhe gjuetia. Ndërsa fshati rritet dhe ju ndërtoni më shumë struktura, më shumë burime do të jenë në dispozicion si qymyri, leshi, lëkura dhe gruri. Një prekje e këndshme është fakti që individët kanë statistika dhe aftësi të ndryshme që i bëjnë ata të performojnë më mirë ose më keq në punë të caktuara. Një gjuetar, për shembull, ka nevojë për një dozë të mirë force dhe fat, ndërsa një rrobaqepës thjesht ka nevojë për inteligjencë.

Sidoqoftë, mungesa e automatizmit është një nga aspektet negative të lojës. Kjo do të thotë që ju gjithmonë duhet të drejtoni një pjesë të mirë të gjërave tuaja në shumë faza të mbledhjes dhe prodhimit. Për shembull, nëse dru nevojitet për ndërtim, punëtorët nuk do të shkojnë ta mbledhin atë nëse nuk e urdhëroni. Në mënyrë të ngjashme, fermerët nuk do të mbjellin dhe korrin në mënyrë autonome.

Në përgjithësi, Land of the Vikings është një lojë shumë “e qetë”. Nuk ka nxitim për të bërë gjërat dhe ju mund të zgjeroni me durim vendbanimin tuaj dhe ta dekoroni atë. I vetmi shqetësim që keni është dimri. Sigurohuni që të prodhoni mjaftueshëm dru zjarri për fshatarët tuaj dhe të keni pak ushqim të ruajtur pasi nuk do të mund të kultivoni asgjë në atë stinë. Pasi ta keni arritur këtë, pjesa tjetër varet vetëm nga zgjedhjet tuaja.

Grafika e lojës është e mirë, por jo ndonjë gjë befasuese. Ju mund të zmadhoni më shumë sesa lejohet zakonisht në lojëra të ngjashme dhe gjithsesi të keni një pamje të mirë të asaj që po bëjnë vikingët tuaj. Niveli i detajeve të njerëzve dhe ndërtesave është mjaft i këndshëm dhe përfshirës, veçanërisht kur kombinohet me animacione të thjeshta dhe efektive.

Nga ana negative, duhet të përmendim U.I. Edhe pse jo e tmerrshme, mund të duket pak i çuditshëm, por kjo është vetëm një çështje subjektive. Sidoqoftë, është e rëndësishme të përmendet se madhësia e shkronjave në shumë panele është shumë e vogël. Në varësi të ekranit tuaj do ta keni të vështirë të lexoni informacione rreth ndërtesave dhe njerëzve.

Për sa i përket tingujve, në këtë version Early Access të Land of the Vikings nuk gjetëm asgjë të pazakontë ose veçanërisht të keqe. Ka një larmi të mirë këngësh që janë mjaft të këndshme dhe të përshtatshme për lojën. Sa i përket efekteve të zërit, ato janë shumë të thjeshta dhe nuk sjellin ndonjë gjë WOW. E vetmja shënim negativ do të ishte cicërima e vazhdueshme e zogjve që, pas një kohe, mund të jetë paksa bezdisëse.

Land of the Vikings është një lojë city-building relaksues dhe i menduar mirë në përgjithesi. Edhe nëse është ende në Early Access, ai tregon potencial të madh dhe mund të jetë mjaft argëtues për t’u luajtur. Loja është e menjëhershme dhe e lehtë për t’u mësuar, duke e bërë atë të përsosur për casual gamers, entuziastë të city-bulding dhe lojtarët e rinj në zhanër.

Momentalisht Land of the Viking është akoma në Early Access në Steam nëse doni që ta provoni.