fbpx
Nintendo PC PS4 PS5 Reviews Stadia Xbox One Xbox Series X|S

Immortals Fenyx Rising Review

Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds

Immortals Fenyx Rising e quajtur në fillim Gods and Monsters është loja më e fundit open-world nga Ubisoft. Ndoshta për shumë prej jush mund të mos e keni dëgjuar më përpara dhe mund të pyesni veten se çfarë është kjo lojë e re që Ubisoft po sjell. Për të zbuluar më shumë na ndiqni në këtë review ku do të mësoni më shumë rreth Immortals Fenyx Rising.

Që në momentin që hyni në lojë, do të vini re dy narratorët tanë të cilët do të na shoqërojnë gjatë gjithë rrugëtimit tonë në këtë lojë: Prometeu i cili i dha zjarrin njerëzve dhe u burgos për shkak të këtij veprimi dhe Zeus që është zoti rrufeja dhe më i fuqishmi ndër tyre dhe i cili gjithashtu ka burgosur Prometeun.

Zeusi po kërkon ndihmën e Titanëve në mënyrë që të kthejnë botën ashtu siç ka qenë pasi titani Typhon shpëtoi nga Tartaros dhe rrëmbeu nga disa prej zotave fuqitë dhe formën e tyre. Në vend që ta ndihmojë Zeusin direkt, Prometeu i tregon atij historinë e Fenyx, një njeri i vdekshëm pa asnjë aftësi dyluftimi i cili do të jetë ai që do të shpëtojë botën nga Typhon dhe mallkimi i tij që i ka kthyer të gjithë njerëzit në gur. Gjatë gjithë historisë së lojës Prometeu dhe Zeus së bashku me ndonjë zot tjetër do të na narratojnë historinë e Fenyx duke shkëmbyer shpesh shaka dhe duke na futur më thellë në mitologjinë greke në një mënyrë tepër tërheqëse dhe interesante.

Loja na ofroi shpesh doza humori dhe të themi të drejtën u argëtuam shumë nga kjo gjë. Sa më shumë të avanconi në lojë aq më komike bëhet bisedimi midis këtyre dy zotave duke i dhënë Immortal Fenyx Rising një stil unik narrativ. Por duhet thënë që kjo gjë varet nga sensi i humorit i personit i cili e luan lojën. Menjëherë pas kësaj hyrjeje ju do të keni mundësinë të krijoni karakterin tuaj ku loja iu ofron një sasi të pranueshme mundësish. Më pas ju do të keni mundësinë për të mësuar movement dhe disa lëvizje bazike dyluftimi nëpërmjet disa tutorials dhe gjithashtu të merrni disa nga godly powers që loja iu ofron.

Në aspektin e combat mund të themi që loja është shumë e ngjashme me Legend of Zelda: Breath of the Wild. Dyluftimi, eksplorimi dhe shumë veçori të tjera janë të frymëzuara nga kjo lojë por e bukura është se çdo gjë është e ndërtuar në një mënyrë të veçantë e cila bën që pavarësisht se është e ngjashme me Breath of the Wild përsëri ju mund ta ndjeni ndryshimin nga kjo lojë.

Për eksplorimin mund të themi që është një miksim i bukur deri diku midis Assassin’s Creed dhe Breath of the Wild. Në përgjithësi nuk është se e ndjemë shumë ndjesinë sikur po eksploronim. Për të hapur një pjesë të hartës do t’iu duhet të ngjiteni në vendin më të lartë. Më pas juve do t’iu duhet të gjeni vendodhjet e ndryshme që kjo pjesë e botës ka. Mund të duket pak e paarsyeshme por it is what it is.

Sistemi combat është ndryshe nga çdo lojë tjetër që Ubisoft ka krijuar pasi iu ofron një shumëllojshmëri lëvizjesh dhe kombinimesh në varësi të skills që ju zgjidhni të përmirësoni. Loja do t’iu ofrojë një shumëllojshmëri të madhe armësh dhe gear ku secili prej tyre ka një aftësi të caktuar duke iu dhënë mundësinë të kombinoni dhe eksperimentoni me to.

Gjatë dyluftimit ju do të keni mundësinë të kryeni combo të ndryshme të cilat janë tepër zbavitëse duke iu mundësuar të provoni shumë lloje të ndryshme lëvizjesh të cilat nuk keni për t’i ndjerë kurrë të mërzitshme. Ju mund të luftoni kundërshtarët tuaj nga afër, nga larg, nga ajri ose mund të mbushni Stun Gauge e cila pasi mbushet e vendos kundërshtarin në një gjendje shoku ku ju mund t’i shkaktoni atij shumë damage dhe ta vrisni lehtësisht. Kundërshtarët janë të larmishëm duke iu bërë që të mjeshtëroni mekanika si parrying dhe counter attack.

Kur bëni upgrade një prej armëve ose gear tuaja, ju i bëni upgrade të gjithë seksionit të asaj arme ose gear. Me pak fjalë nëse ju bëni upgrade shpatën tuaj, ju do të bëni upgrade të gjithë seksionin e shpatave duke iu lehtësuar goxha punë dhe mund. Gjatë lojës do të hyni të Vaults of Tartaros që janë zona të veçanta ku ju mund të merrni armë dhe pajisje të ndryshme si shpata, axe ose bow etj. duke zgjidhur puzzles ose duke u përballur me kundërshtar të ndryshëm.

Gjatë përballjeve me kundërshtarët ju do të merrni pikë të cilat mund t’i shpenzoni për të përmirësuar skills tuaj ose godly powers të cilët iu mundësojnë strategji të reja gjatë dyluftimeve ose zgjidhjes së puzzles. Puzzles në lojë në fillim do t’iu duken interesante dhe të thjeshta por me kalimin e kohës ato do të bëhen të bezdisshme. Ka raste kur pasi zgjidhni një puzzle ju do të hyni në një puzzle tjetër dhe më pas do të hyni përsëri në një puzzle tjetër. Ndonjëherë mund të ndodhë që të mos t’iu japë asnjë ndihmë se si ta kryeni atë puzzle duke ia hequr deri diku atë zbavitjen që ju merrni.

Bota dhe karakteret janë të ndërtuara shumë bukur me stilin e tyre plot ngjyrë dhe në një formë cartoon. Dizajni i tyre është tepër unik dhe gjithashtu bota ku ju ndodheni ka biomet e saj duke iu dhënë një ndjesi ndryshe kur ndodheni në secilin prej tyre. Lojën ne e luajtëm në PC dhe nuk patëm bugs ose glitches përveç disa rasteve kur mund të ndodhte ndonjë lag 1 sekond por që i cili nuk na prishte shumë punë dhe i cili ka për t’u rregulluar në të ardhmen.

Për të patur një eksperiencë të plotë të lojës ne iu rekomandojmë të bëni edhe aktivitetet e tjera që loja iu ofron si gjetja e thesareve, të gjeni dhe të kryeni Vaults of Tartaros që kanë ngelur, sfida të ndryshme ku janë të përfshira combat, eksplorimi, puzzle dhe dëgjimi i një muzike të cilën duhet të riprodhoni përsëri. Me pak fjalë, keni shumë gjëra për të bërë të cilat do t’iu argëtojnë dhe do t’iu shpërblejnë duke iu dhënë armë, gear dhe pikë me të cilat ju mund të bëheni më i fuqishëm dhe të zhvilloni më shumë aftësitë tuaja për combat.

Konkluzioni

Për ta përshkruar sa më thjesht, Immortals Fenyx Rising është një lojë e përngjashme me Breath of the Wild, e bërë nga Ubisoft në mënyrën e saj dhe e zbukuruar me mitologjinë greke dhe që iu ofron gjëra jo-perfekte të cilat kompensohen nga ato të tjerat që janë të realizuara shumë bukur.