Update 7.3 i PUBG ju lejon të dilni nga automjetet para se ato të shpërthejnë

Patchi i ardhshëm i PUBG është live, me ndryshimet më të fundit në lojën battle royale që vijnë përkrah update 7.3. Ato sjellin një eksploziv të ri si dhe një veçori parashute, mundësinë për të dalë nga automjetet që janë në prag të shpërthimit dhe shumë të tjera.

Këto informacione vijnë sipas patch notes zyrtare të PUBG në website-in e lojës. Këto të fundit zbulojnë se ka disa ndryshime të balancës së automjeteve tashmë live në lojë. Ndër to do të gjeni mundësinë për tu arratisur nga një automjet nëse ai është në prag shpërthimi. Pra ato nuk do të shpërthejnë menjëherë pasi të arrijnë në 0 HP, por do të zënë zjarr dhe do ju japin disa sekonda të vlefshme që të largoheni.

Përtej kësaj ka një item të ri shumë të fuqishëm që ju jep lojtarëve mënyra të reja për të eleminuar kundërshtarët. Ky është C4. Eksplozivi vepron në një rreze deri në 25 metra dhe bën dëme që mund të shkojnë përtej mburojave që zënë lojtarët. Me pak fjalë është diçka që do të doni ta keni në dispozicion.

Aftësia për të ndjekur parashutën pastaj, që u prezantua fillimisht në patch 6.2, por u hoq një periudhë kohe për të marrë disa modifikime, tashmë është rikthyer sërish. Tashmë ju dhe shokët tuaj do të mund të bëni land pranë njëri-tjetrit më thjeshtë gjatë lojërave.

Automjetet janë gjithashtu themelore në PUBG dhe tani për tani një nga ankesat kryesore ka qenë se si eleminoheshe direkt pasi shpërthente makina. Të paktën tani gjërat janë pak më realistike në mënyrën se si automjetet marrin damage.