Update 1.3 në Genshin Impact do të vijë së shpejti

Nëpërmjet një video të lançuar së fundmi, MiHoYo ka zbuluar se update 1.3 do të vijë së shpejti bashkë me shumë evente të ndryshme në Genshin Impact e cila është loja e saj më popullore të momentit.

Update 1.3 i Genshin Impact do të vijë më 3 shkurt dhe do të sjellë me vete shumë evente dhe gjëra për të bërë. Gjatë kësaj kohe do t’iu duhet të ndihmoni vendasit e Liyue me përgatitjet dhe të merrni pjesë në ceremoninë e madhe për natën e parë të vitit me hënë të plotë. Gjatë kësaj kohe ju do të shikoni gjithashtu edhe shumë fenerë gjatë natës në qiell.

Teksa ndihmoni vendasit me përgatitjet për ketë ceremoni, sigurohuni të eksploroni me detaje rrugët e Liyue të cilat do të jenë të mbushura plot me aktivitete të ndryshme. Një ndër këto aktivitete është edhe një mini-game e re në lojë e quajtur Theater Mechanicus.

Gjithashtu në lojë do të vijë edhe një personazh i ri i quajtur Xiao ose siç njihet ndryshe si Vigilant Yaksha. Xiao do të ketë Anemo, do të mbajë si armë një polearm dhe do të jetë five-star. Elemental burst i Xiao do t’iu garantojë shumë dëme duke iu shkaktuar gjithashtu edhe ju shumë dëme.

Dhe nëse keni ngecur keq me personazhet four-star, mësoni më shumë se cilët janë personazhet më të mirë four-star të cilët mund t’iu ndihmojnë shumë në Genshin Impact.