Syzet Gamer Advantage ju mbrojnë nga rrezet e dëmshme kur luani

Këto janë syzet e duhura për të mbrojtur sytë tuaj

Ndërkohë që teknologjia është përmirësuar gjatë dekadave të fundit, ekspozimi ynë ndaj ekraneve dixhitale është rritur gradualisht dhe bashkë me të është rritur ekspozimi ndaj rrezeve të dritës blu. Duke qënë se këto rreze janë problematike pasi prishin orët tona të gjumit, një kompani po kërkon t’i japë zgjidhje problemit dhe gjithashtu të informojë publikun rreth efekteve të këtyre rrezeve.

Gamer Advantage është një kompani amerikane e cila prodhon syze për të ndaluar dritën blu, të cilat bllokojnë specifikisht gjatësitë e valës që vijnë nga ekranet. Këto rreze ndalojnë përdorimin e melatoninës, duke e bërë trurin të mendojë se është në diell dhe duke ju lënë zgjuar gjatë natës. Të tjera probleme janë dhimbja e syve, dhimbjet e kokës dhe shikimi i turbullt.

Padyshim që ekspozimi nga një ekran është shumë më i vogël se ndaj diellit, por shqetësimi ngrihet kur ekspozimi bëhet për një kohë të gjatë nga afër, siç ndodh me pajisjet dixhitale. Sipas një studimi të American National Eye Institute, sytë e fëmijëve ndikohen më shumë nga drita blu se të rriturit.

Këtu fokusohet dhe Gamer Advantage, pasi themeluesi Bryan Reedy përshkruan përpjekjet e tij për të folur me gjimnazistët dhe për t’i inkurajuar ata të veshin syzet e tij. Reedy i krahason këto syze që bllokojnë dritën blu me atletët që veshin vazhdimisht mbrojtëse dhe helmeta. Pajisjet nuk supozohet të parandalojnë lëndime të vazhdueshme, por të ndalojnë dëmtimet për një kohë të gjatë.

Duke qënë se të rinjtë dhe gjeneratat e ardhshme do të përballen çdo ditë e më shumë me pajisje dixhitale gjatë shkollës, kohës së tyre të lirë dhe në profesionin e tyre në të ardhmen, do të bënte shumë sens që t’i trajtonim sytë tanë me të njëjtin kujdes siç bëjmë me trupin në sporte.