Lojtarët pro të Call of Duty mendojnë se Modern Warfare ka hartat më të këqia deri tani

Disa nga emrat më të mëdhenj në Call of Duty esports kanë dhënë opinionet e tyre për Modern Warfare, pas një fundjave eksperimentin me të që nga lançimi i saj në 25 tetor.

Sado që Modern Warfare ka kaluar shitjet e Black Ops 4 në lançim dhe ka qenë një nga lojërat më të transmetuara në Twitch gjatë fundjavës së saj hapëse, lojtarët kompetitivë kanë përshtypje të miksuara për lojën. Konsensusi i përgjithshëm është se sado që gunplay është i shkëlqyer, aspekte të tjera çalojnë. Këtu përmendet respawn, claymores, smoke grenades etj.

Gjithsesi, problemi më i madh me Modern Warfare duket të jetë cilësia e map pool-it. Një pjesë e madhe e lojtarëve pro kanë shprehur shqetësimet e tyre se hartat nuk janë fort të kënaqshme për tu luajtur, se janë jokreative në strukturën e tyre dhe disa janë duke thënë se këto janë hartat më të këqia në historinë e Call of Duty.

Matthew ‘FormaL’ Piper tha se po i pëlqente gunplay i Modern Warfare, por në të njejtën kohë kishte disa deklarata për të bërë për gjendjen e hartave.

Ndërkohë, Damon ‘Karma’ Barlow, tre herë kampion bote në Call of Duty, tha se Modern Warfare ka disa nga “hartat më të këqia ndonjëherë në CoD,” por njëkohësisht pranoi se kjo ishte e vetmja gjë që nuk shkonte me lojën.

Infinity Ward tashmë ka treguar se janë duke i dëgjuar dhe janë duke vepruar mbi feedback-un e fansave, duke reaguar shpejt ndaj Dead Silence me një patch në më pak se një javë lançim.

Gjithsesi, nëse shqetësimi më i madh deri më tani janë hartat, zgjidhja nuk mund të jetë e shpejtë. Mbetet të shohim se si do të reagojnë edhe lojtarët e tjerë ndaj këtij problemi. Ndoshta është ende herët për të folur.