Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Thonë se çdo gjë me tepri nuk është e mirë dhe realisht këto janë fjalë me mend. Është ky në fakt një lloj ligji universal që aplikohet literalisht në çdo gjë. Po përpiqem të gjej diçka ku ky pohim nuk vlen në momentin që po shkruaj dhe e kam të pamundur. Sigurisht që si një faqe mbi gaming që jemi, duhet të përmendim se edhe videolojërat me tepri, janë të dëmshme.
Para se të hidhemi direkt e në temë, le të sqarojmë që nuk po shkojmë drejt tendencave moraliste me këtë artikull, por drejt atyre edukative. Arsyeja pse diçka me tepri është e dëmshme, shpesh shoqërohet me elementin e varësisë. Është varësia që një X-person tregon ndaj diçkaje ajo që e shtyn ta bëjë në çdo orë dhe sekondë që i jepet mundësia.
Jo më larg se vitin e shkuar World Health Organization e deklaroi varësinë ndaj video-lojërave si një sëmundje. Problemi i vetëm këtu ishte se vetë organizata thjesht e njohu këtë si problem, pa i dhënë asnjë zgjidhje. Ne i dimë ekzatësisht se cilat janë arsyet dhe faktorët për këtë punë. Dimë se disa raste kanë qenë edhe tragjike dhe është e kotë ta mohojmë se pasojat e lëna nga varësia e videolojërave nuk janë serioze.
Duket se tani është zbuluar një trajtë kure për këtë problem. Një studim është publikuar nga studiuesit Gjermanë, që sipas tyre jep trajtimin që duhet bërë për varësinë ndaj videolojërave. Sipas kërkimeve, ka 70% probabilitet që individi të shërohet dhe kjo pa patur nevojën e përdorimin të drogërave ose medikamenteve të ngjashme. Kjo terapi fokusohet në të ndryshuarit e relatës mes lojtarit dhe lojës, në vend të mbylljes së saj.
Kërkimi i tyre ka patur kohështrirjen mes viteve 2012 dhe 2017 në katër klinika të gjendura në Gjermani dhe Austri. 143 persona ndaheshin në mënyrë rastësore mes dy grupeve. 72 1ë do të merrnin trajtimin dhe 71 të tjerë që do e jepnin. Studiuesit më tej përdorën një formë të CBT (cognitive behaviour therapy), që konsistonte në 15 seanca grupale dhe 8 seanca dy javore individuale.
“Është e rëndësishme të theksojme se vetëm se mund të të pëlqejnë lojërat, nuk do të thotë se je i varur ndaj tyre,”Është shprehur një nga autorët e studimit. “Është e rëndësishme të kemi parasysh se vetëm një sasi shumë e vogël gamer-ash kanë zhvilluar varësi ndaj videolojërave ose aktiviteteve të tjera në internet. Në të njejtën kohë është shumë e rëndësishme që ti marrim këta pacientë seriozisht dhe të kuptojmë se kanë nevojë për ndihmë. Nëse nuk e kuptojmë këtë mbetemi injorantë. Qëllimi ynë kryesor nuk është që ti mbajmë pacientët larg ekranit, por ti shtyjmë ata të kenë kontroll ndaj tij.”
Një tjetër pjesë e rëndësishme e këtij studimi, ishte mungesa e përdorimit të drogërave farmaceutike në të. Sipas autorit, njerëzit që kanë një çrregullim që nuk lidhet me përdorimin e substancave, nuk përgjigjen mirë ndaj trajtimit faramceutik. Në vend të tyre, ata përdorën një terapi të foluri që i shtynte pacientët të analizonin dhe të rregullonin mendimet dhe sjellien e tyre.
“Zakonisht fillon me një studim të tërthortë të karakteristikave të pacientit që po kontribojnë në këtë çrregullim dhe varësi që ata kanë zhvilluar.” Studiuesit fillonin duke edukuar pacientët mbi efektet e varësisë ndaj videolojërave. Ata mbanin shënim të gjitha elementet që i shtynin të luanin lojëra dhe më vonë i përqëndruan ato energji në diçka tjetër.
Hapi tjetër ishte modifikimi i karakteristikave të caktuara te pacienti. Kjo bëhej duke rritur qëndrueshmërinë që individi mund të tregonte në një event të stresueshëm, duke përmirësuar aftësitë e tij sociale dhe duke kuptuar reagimet emocionale. Gjithsesi studimi nuk ishte perfekt. Nuk kishte asnjë femër në të. Sipas autorëve klientela e tyre tipike në këto klinika nuk përfshinte femra dhe kjo ishte arsyeja e mospërfshirjes së tyre.
“Sado që të dhënat e fundit kërkimore kanë dalë në përfundimin se gjinia nuk ka diferencë në varësinë e treguar ndaj internetit ose videolojërave, femrat rallherë prezantohen në sistemet ndihmëse. Për këtë arsye duhen bërë studime të mëtejshme, për ta kuptuar si mund të kurohet ky fenomen te femrat.”
Në fund të ditës femra apo meshkuj, kjo varësi është e rrezikshme për shëndetin mendor të çdokujt. Problemi kryesor është që shpeshherë ka një tendencë refuzimi nga individët e prekur rreth saj për pranimin e këtij problemi. Në raste edhe më të këqia pastaj, që në vendin tonë hasen shumë shpesh, prindërit ose figura të tjera përgjegjëse mbi individin e prekur, nuk e kuptojnë rëndësinë dhe seriozitetin e problemit, duke e lënë në harresë të kohës.
Është gjë e mirë të shohësh raste të tilla, kur problemi zgjidhet në mënyrë terapeutike. Sado që varësia ndaj videolojërave është një fenomen i rëndë, ku për të qenë të sinqertë nuk ka ende shumë zgjidhje të zbuluara për rregullimin e saj, është ngushëlluese të përballesh me tentativa ndreqëse dhe mbi të gjitha njerëz që e pranojnë ekzistencën e problemit.
