GDC është shtyrë prej shqetësimeve të coronavirus

Pasi studiot më të mëdha në të gjithë industrinë e gaming u tërhoqën nga pjesëmarrja e Game Developers Conference në San Francisco, për shkak të përhapjes në masë të coronavirus, vetë shfaqja është shtyrë për një moment të dytë. Kjo u njoftua sot nga GDC.

Sony, Microsoft, Epic Games, Unity, Activision, Blizzard, Amazon, Facebook dhe emra të tjerë u tërhoqën nga pjesëmarrja në konferencë për të mbrojtur punonjëstit e tyre nga COVID-19, i cili ka marrë jetën e 2,800 njerëzve në mbarë botën.

“Pas konsultimeve të thella me partnerët tanë në industrinë e zhvillimit të videolojërave dhe komunitetit rreth e qark botës, kemi marrë vendimin e vështirë për të shtyrë Game Developers Conference këtë mars,” tha GDC në një deklaratë. “Pasi kemi kaluar të gjithë vitin e shkuar duke u përgatitur për këtë event, jemi të mërzitur dhe zhgënjyer që nuk kemi mundësi ta mbajmë atë këtë rradhë.”

Kjo nuk do të thotë se eventi është anulluar. GDC ka konfirmuar se ka plane për ta mbajtur eventin në një pikë të dytë gjatë vitit, duke shpresuar se frika për COVID-19 do të jetë më e kontrolluar.

“Duam të falenderojmë partnerët dhe klientët tanë për mbështetjen e tyre. Gjëra më të mira do të vijnë kur i gjithë komuniteti të bashkohet më vonë në GDC. Për këtë arsye kemi në plan që ta zhvillojmë eventin gjatë verës. Do të punojmë me partnerët tanë për të finalizuar detajet dhe do të ndajmë më shumë informacione për planet tona në javët e ardhshme.”