Krijuesi i DayZ konfirmon një lojë masive survival të re

Dean “Rocket” Hall, i njohur më së mirë për krijimin e modit origjinal zombie apocalypse të DayZ është rikthyer për një tjetër lojë survival. Ai do të shoqërohet nga producenti ekzekutiv Brian Hicks, i cili më parë ka qenë drejtori krijues i versionit individual të DayZ.

Hall konfirmoi në Twitter se zhvilluesit janë tashmë duke bërë një play-test, por nuk konfirmoi se sa kishte ecur zhvillimi i lojës. Ka gjasa që ky projekt ende i panjoftuar do të ndjekë një ide të ngjashme me DayZ, pra mund të lançohet fillimisht në early access për një periudhë të konsiderueshme, përpara se të arrijë në një lançim përfundimtar.

Për të qenë të drejtë, fansat do të shpresojnë që kjo periudhë early access të jetë e shkurtër, jo si extension-i 5 vjeçar me të cilin duhet të merrej DayZ.

Modi origjinal i DayZ ishte i bazuar në ARMA dhe u lançua në 2012. Për shkak të popullaritetit të tij, Bohemia Interactive vendosi të punonte me Hall në një version më vete, që pas një periudhe të gjatë në early access, u publikua në 2018n. Hall gjithsesi nuk ishte pjesë e lançimit zyrtar. Ai i ndau rrugët me Bohemia Interactive në 2014 dhe themeloi Rockerwerz, që deri më tani ka sjellë një simulator hapësinor të quajtur Stationeers dhe një lojë virtuale të quajtur Out of Ammo. Hicks gjithashu u largua nga Bohemia Interactive, por pak para se DayZ të vinte në 2018n.

Hall dhe Hick kanë luajtur të dy rol të madh në formimin e DayZ. Kombinimi i aftësive dhe forcave të tyre, plus njohuria mbi elementet survival, do të jetë një avantazh i madh në krijimin e një eksperience tjetër si ajo e DayZ.