Lojtarët e Fortnite janë të acaruar nga robotët në Season 10

Raketat e robotëve duket se po shkatërrojnë gjithçka, përfshirë këtu nervat e lojtarëve

Season 10 në Fortnite, ndër shumë gjëra të tjera, solli në lojë robotë që mbajnë brenda dy persona të quajtur B.R.U.T.E., të cilët momentalisht po i shkatërrojnë lojtarët. Disa lojtarë duan që ata të bëhen nerf, disa lojtarë duan që ata të hiqen tërësisht dhe disa të tjerë duan që ata të kenë Limited Time Mode-in e tyre.

Mendimi i përbashkët është se ata janë shumë më të fuqishëm seç duhet. Raketëhedhësi i tij mund të gjuajë deri në 10 raketa njëherësh, të cilat bëjnë 50 dëm secila dhe shkatërrojnë fare lehtë ndërtesa. Subreddit i Fortnite është mbushur me video të lojtarëve duke u vrarë nga raketat, gjë e cila shpesh ndodh aq shpejtë sa ti nuk e kupton as se nga të kanë ardhur raketat. Ky klip tregon se si ato funksionojnë nga pamja e robotit.

Madje, ekziston dhe një video e kampionit botëror të Fortnite Bugha teksa ai vritet nga një robot me raketa, dhe streamer-i dakotaz ka postuar gjithashtu një video të një vdekjeje të ngjashme. “Çfarë loje të bukur po luajmë,” tha ai.

Vetëm disa robotë shfaqen në çdo hartë dhe ata mund të kontrollohen nga një lojtar nëse ai lëviz nga sedilja e pilotit tek ajo e gjuajtësit, gjë e cila e bën robotin vdekjeprurës dhe në lojëra solo.

Shumica e lojtarëve në fakt duan që robotët të jenë gjithsesi në lojë, por vetëm nëse ata kanë një mode të veçantë. Ndërkohë, disa të tjerë duan një reagim më të ashpër ndaj tyre. “Robotët më bëjnëtë mos të dua ta luaj më lojën dhe unë kam luajtur Fortnite që prej fillimit të lojës. Nuk do të luaj asnjë lojë solo përpara se ata të bëhen nerf ose të hiqen, nuk ja vlen të acarohesh prej tyre” thonë përdorues të ndryshëm të tyre.

Epic Games ende nuk ka thënë asgjë në lidhje me robotët, por sezoni i dytë ka vetëm 4 ditë që ka nisur. Zhvilluesi ka treguar se nuk ka frikë të bëjë nerf ndryshimet e mëdha që vijnë në lojë në bazë të reagimit të lojtarëve, prandaj të shohim çdo të ndodhë në vazhdim.