Loja indie Papers, Please po vjen në mobile

Papers, Please është një prej lojërave indie më të kritikuara deri më tani me një stil të veçantë loje. Dhe tashmë kjo lojë indie do të vijë për pajisjet mobile.

Për ata që nuk e kanë idenë fare se cfarë Papers, Please është, kjo lojë e veçantë indie iu vendos si një oficer emigrimi i cili duhet të sigurohet që vetëm njerëzit e duhur mund të kalojnë kufirin e një shteti imagjinar sovietik.

Teksa ju progresoni në Papers, Please, ju duhet të identifikoni dokumentet false, rreziqe të mundshme dhe më shumë teksa balanconi buxhetin tuaj personal në përpjekje për të mbajtur familjen tuaj gjallë. Është një lojë goxha interesante dhe ndryshme nga të tjerat. Kritikët e kanë vlerësuar goxha këtë lojë dhe akoma edhe sot e kësaj dite vazhdon të ketë goxha fansa.

Papers, Please është zhvilluar nga Lucas Pope i cili ka punuar më përpara si zhvillues tek Naughty Dog. Pas përfundimit të të Uncharted 2, Pope vendosi që të zhvendosej drejt krijimit të lojërave më të vogla, gjë që solli Papers, Please.

Pas versionit të PC, loja indie solli një version në PS Vita dhe në iPad. Dhe tashmë loja do të vijë në pajisjet mobile, Android dhe iOS. Loja do të vijë në App Store dhe Google Play Store për 4.99$.

Përshkrimi i lojës tregon: Shteti komunist i Arstotzka sapo ka mbaruar një luftë 6 vjeçare me shtetin komshi Kolechia duke marrë të drejtën për gjysmën e qytetin kufitar Grestin.

Puna juaj si inspektor imigrimi është që të kontrolloni njerëzit që kalojnë kufirin. Midis tyre do të gjeni kriminela, spiunë dhe terroristë. Duke përdorur metoda të ndryshme si shenjat e gishtave, kontrolli i dokumentave dhe më shumë ju duhet të vendosni se kush duhet të kaloj, të kthehet mbrapsht apo të arrestohet.

Papers, Please është një lojë indie që duhet ta provoni dhe nuk duhet ta humbni.