Publikimi i Deathloop do të vonojë deri në shtator

Arkane Lyon ka njoftuar që do të vonojë publikimin e lojës për PC dhe PS5, Deathloop. Studioja shkroi në llogarinë e tyre në Twitter lajmin për lojtarët, duke shpjeguar se ajo është e përkushtuar për të arritur ambicien e saj pa vënë në rrezik shëndetin dhe sigurinë e stafit. Deathloop tani do të dalë në treg më 14 shtator 2021.

“Ne kemi marrë vendimin për të vonuar publikimin e Deathloop në 14 shtator 2021. Ne jemi të përkushtuar për të ruajtur cilësinë dhe për të ruajtur ambiciet e ekipit tonë duke garantuar shëndetin dhe sigurinë e të gjithëve. Ekipi ynë po e përdor këtë kohë shtesë për të përmbushur qëllimin: të krijojmë një përvojë lojtarësh argëtues,plot stil dhe mendjemprehtë. Ne ju kërkojmë falje për pritjen e zgjatur dhe ju falënderojmë të gjithëve për pasionin dhe emocionet tuaja. Mezi presim t’ju tregojmë më shumë nga risitë e Deathloop së shpejti.” thotë regjisori i lojës Dinga Bakaba.

Arkane Lyon fillimisht mendoi publikimin e Deathloop gjatë festave të vitit 2020, por vendosi ta vonojë atë në tremujorin e dytë të vitit 2021 përpara se ta shtynte përsëri në shtator, për të cilin sapo kemi dëgjuar sot.

Arkane nuk është e vetmja studio që pati vonesa për shkak të pandemisë COVID-19. Shumë studio kanë vonuar lojërat e tyre: Lord of the Rings, Gollum dhe Hogwarts Legacy u shtynë për në vitin 2022. Amazon MMO New World u vonua përsëri, këtë herë deri më 31 gusht. Midis të tjerash dhe Gran Turismo 7 u vonua deri në vitin 2022.

Loja fillimisht u bë publike nga Dinga Bakaba dhe Sebastien Mitton të Arkane Lyon gjatë konferencës E3 të Bethesda në vitin 2019. Kjo është një lojë e FPS që sheh dy vrasës rivalë të bllokuar në kohë,në një ishull misterioz të quajtur Blackreef. Të dy vrasësit janë të dënuar të përsërisin të njëjtën ditë përjetësisht.Kur të dalë në treg më 14 shtator, Deathloop do të jetë një ekskluzivitet në PlayStation 5.Loja do të lëshohet njëkohësisht edhe në Windows PC.