Red Bull M.E.O. Season 6 PUBG Mobile

Një ndër eventet më të mëdha mobile në Shqipëri, Red Bull M.E.O. Season 6, ka përfunduar duke shpallur fituesin e madh të këtij tournament për PUBG Mobile. Por si nisi, u zhvillua dhe përfundoi ky event?

Red Bull M.E.O. Season 6 për PUBG Mobile nisi në 26 qershor me regjistrimet e ekipeve të cilat u mbyllën në 23 korrik. Nga regjistrimet e bëra u krijuan 6 grupe me 20 ekipe secila prej tyre të cilat luajtën nga data 18 korrik deri në 23 korrik.

Nga secili grup u kualifikuan 3 ekipe të ndryshme duke bërë një total prej 18 ekipesh të kualifikuara në fazën e ardhshme e cila ishte finalja e Red Bull M.E.O. Season 6.

Ekipet që morën pjesë ishin:

• Sirius Gaming
• Epic Rising
• Autochthonous
• XtremeEsports
• Pinguine
• Ethnic Albania
• Total Terror
• TheNoisyBoys
• 355 Clan AL
• YAKUZA
• On Drugs
• 7eSPORTS elite
• 7eSPORTS
• Power
• Shkule
• 355 Clan

P.S. 2 ekipe nuk arritën të merrnin pjesë për arsye teknike.

Finalja u zhvillua pranë ambienteve të Destil Creative Hub në Tiranë ku shumë prej fansave të eventit dhe disa prej lojtarëve arritën të merrnin pjesë dhe të ndiqnin këtë event të PUBG Mobile nga Red Bull.

Loja e parë u zhvillua në hartën e Erangel ku ekipi i Xtreme Esports arriti të zinte vendin e parë me 12 eliminime. Loja e dytë u zhvillua në hartën e Miramar dhe e cila u fitua nga ekipi i 7eSports me plot 12 eliminime. Loja e tretë u zhvillua në hartën e Sanhok ku ekipi i Epic Rising zuri vendin e parë me 13 eliminime.

Loja e katërt u zhvillua përsëri në hartën e Erangel ku ekipi i Ethnic Albania arriti të fitonte me 14 eliminime. Kjo lojëra të zhvilluara i dhanë  ekipit të Xtreme Esports pikët që kishte nevojë për t’u shpallur fituese e këtij eventi të madh të Red Bull M.E.O Season 6. Në vendin e dytë dhe të tretë u pozicionuan ekipi i Ethnic Albania dhe ekipi i Epic Rising respektivisht.