Twitch arrin një rekord të ri shikueshmërie

Muaji tetor i këtij viti ka sjellë një rekord të ri për platformën streaming Twitch

Twitch ka shënuar një rekord të ri gjatë muajit tetor me numrit më të lartë të orëve të shikuara në ketë platformë sipas raportit mujor nga StreamElements. Nga ky raport zbulojmë se Twitch gjatë muajit tetor ka patur 1.6 miliardë orë të shikuara dhe 99 përqind rritje nga tetori i viti i kaluar.

Gjatë tetorit të vitit të kaluar Twitch kishte arritur 839 milion orë të shikuara sipas të dhënave të mbledhura nga Arsenal.gg i cili është një partner analitik i StreamElements. Kjo rritje e madhe ka nisur që prej muajit prill ku shumica e njerëzve në botë filluan të qëndronin në shtëpi për shkak të pandemisë së krijuar nga COVID-19.

Rekordi i kaluar ishte 1.5 miliardë orë të shikuara gjatë muajit prill. Përveç pandemisë së krijuar nga COVID-19, një faktor tjetër që ndikoi në ketë rritje të madhe ishte edhe lançimi i beta së Valorant. Kjo gjë bëri që Valorant të merrte një numër të lartë shikuesish dhe në të njëjtën kohë ndihmoi Twitch të rriste orët e shikuara në platformën e saj.

Që pas muajit prill, çdo muaj pasardhës ka patur pothuajse 1.5 miliardë orë të shikuara. Gjithashtu shumë prej kategorive të Twitch patën një rritje të madhe me mbi 20 përqind duke përfshirë kategori si Just Chatting, League of Legends, Minecraft dhe shumë të tjera.

Ndërsa lojërat e reja si Phasmophobia dhe Genshin Impact ka luajtur një rol të madh në ketë rritje duke shtuar 45 milion dhe 29 milion orë të shikuara respektivisht. Kategoria Just Chatting ka patur një rritje tepër të madhe me 202 përqind nga viti i kaluar dhe  afërsisht 200 milion orësh të shikuara në ketë kategori.

Edhe pse Twitch është platforma më e madhe streaming, Facebook Gaming ka patur një rritje tepër të madhe gjatë këtij viti. Me më shumë se 300 milion orë shikime për gjatë muaj me radhë, Facebok ka patur një rritje prej 118 përqindësh për një vit.