Pokémon Scarlet & Violet, Pokemon Scarlet & Violet
Nintendo Reviews

Pokémon Scarlet & Violet Review

Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds

Pokemon Scarlet & Violet shënon fillimin e një brezi të ri dhe na prezanton me rajonin e ri Paldea të frymëzuar nga Iberia. Paldea ju pret me krahë hapur dhe liria për të përparuar me ritmin tuaj e bën atë interesante për të eksploruar dhe më gjithëpërfshirëse se kurrë më parë.

Me fraza tipike në spanjisht që mund t’i dëgjoni, lojëra zbavitëse të fjalëve në disa nga emrat e qyteteve dhe detaje unike arkitekturore në shumë qytete dhe qyteza, Paldea ka shumë argëtim për të ofruar dhe një gamë të gjerë ekosistemesh të mbushura me Pokémon të ndryshëm.

Aty ku zona e Sword & Shield dështoi keq, ky rajon i ri ka pika referimi më të njohura, pamje dhe pika të aksesueshme të fast travel në formën e qendrave të reja Pokemon, duke ju dhënë akses në shërimin, blerjen e artikujve, dhe madje duke krijuar lëvizje të reja sulmi për ekipin tuaj. Gjithashtu kësaj here prezantimi i Pokemon Materials sjell një shtesë të re krijimtarie në gameplay e lojës.

Menjëherë pasi të hidhni hapat e parë në këtë lojë, do të njiheni me Koraidon/Miraidon, Pokemons legjendar kryesor të kësaj loje. Historia e tyre dhe mënyra se si ndërthuret me udhëtimin e personazhit tuaj, e bën të lidhet thellësisht me historinë kryesore të lojës.

Pokémon Scarlet & Violet, Pokemon Scarlet & Violet

Për arsye të njohura të historisë së lojës, ato janë gjithashtu të kufizuara në mënyrën se si mund t’i përdorni duke u caktuar si Ride Pokemon deri në fund të lojës, duke ndihmuar “në ruajtjen e ekuilibrit në lojë”. Megjithatë, diçka edhe më e spikatur është vetë historia dhe struktura e saj.

Që nga momenti kur regjistroheni në Naranja/Uva Academy, ju keni tre quests kryesore të mirëpërcaktuara: Victory Road, Starfall Street dhe Path Of Legends. Këto histori paraqesin një sërë betejash të mëdha, si p.sh. me drejtuesit e Gym Leaders dhe gjithashtu një pamje e re mbi një version tjetër të Pokemons, këtë herë të quajtur Titans. Çdo quest ju ndihmon t’i afroheni kastit goxha të mirë të lojës në një mënyrë kaq të natyrshme.

Gjatë aventurave tuaja, do të shihni se si histori “të errëta” të Pokemon tregohen në një mënyrë që kurrë nuk e kishim menduar se Pokemon do të ishte në gjendje t’i bënte ndonjëherë, duke trajtuar subjekte të ndjeshme me respektin dhe pjekurinë e duhur. Por këtë gjë e bënte shpesh herë duke shtuar në të edhe nota humori goxha të lezetshme. Co-op e zbukuronte akoma edhe më shumë këtë përvojë duke u mbledhur deri në katër veta dhe eksploruar këtë botë të bukur.

Pokémon Scarlet & Violet, Pokemon Scarlet & Violet

Problemi është sado e bukur që duket Paldea dhe aq unike sa mund të jetë historia e saj, e gjithë loja ndihet si një videolojë e Nintendo Wii U nga ana grafike. Por kot po e shajmë Wii U se edhe kjo konsole ka patur lojëra që kanë qenë goxha më të mira. Loja performon goxha keq duke na e rrëzuar pothuajse të gjithë kënaqësinë që morëm nga aspektet që përmendem më përpara.

Glitches gjithashtu ishin të pafundme duke sjellë goxha probleme teksa luani por njëkohësisht edhe situata goxha gazmore.

Edhe pse shumë prej jush tashmë do thonë që Pokemon nuk njihet për grafikat e bukura ose të mahnitshme, duhet t’iu themi që për një lojë të tillë të mos sjelli kualitetin më minimal të tekstura dhe aspektit vizual është e papranueshme. Shpresojmë që zhvilluesi i lojës ta rregullojë këtë problem që loja ka momentalisht.

Pokémon Scarlet & Violet, Pokemon Scarlet & Violet

Soundtrack ishte goxha i bukur dhe shpesh herë kur ishim në mes të ndonjë përballjeje, më shumë fiksoheshim tek muzika se sa tek beteja. Por mund të ndodh gjatë orëve të shumta të shpenzuara në këtë lojë, soundtrack të bëhet mërzitës.

Dhe një problem që cdo lojë pokemon e ka patur, është mungesa e zërit ose voice acting tek karakteret e lojës. Edhe pse ndoshta Pokemon dëshiron që të ruaj origjinalitetin e saj, në 2022 eshte pak e vështirë të gjesh lojëra AAA(triple) pa voice acting.

Në fund të fundit, Pokemon Scarlet & Violet më në fund ju lejon të përjetoni një histori në këtë botë që nuk duket e pavend, me një ton të pjekur në vendet e duhura dhe plot nota gazmore dhe humori. Fatkeqësisht, performanca është aq e keqe sa që shkatërron plotësisht, në një masë të tërbuar, atë që përndryshe mund të kishte qenë loja më e mirë Pokemon deri më sot.