Concept art i Anthem 2.0 zbulon një grup të ri piratësh

“Ne duam të ndajmë më shumë për grupet dhe pjesën që ata luajnë në të ardhmen.”

Christian Dailey, drejtori i studios në Bioware Austin, kohët e fundit zbuloi concept art-in e Pirates of the Blood Wind, një grup i ri piratësh që vjen në Anthem 2.0; një version i ri plotësisht i përpunuar i loot-shooter-it të dështuar

Përveç kësaj, Dailey ndau edhe concept art-in për vendet, përfshirë këtu edhe strofkat pirate:

Më parë Dailey postoi që ai me qëllim u ndal duke folur për punën në Anthem, duke thënë “këto javët e fundit, unë nuk u ndjeva se ishte koha e duhur për të filluar të flisja për Anthem. Doja të jepja hapësirë ​​për biseda më të rëndësishme në botë që të zhvilloheshin, shumë prej të cilave po vazhdojnë ende.”

Ai përmend gjithashtu që postimet e ardhshme në blog për zhvillim do të përqendroheshin në disa nga ndryshimet rreth loot-it dhe pajisjeve. Dailey tha se është në dijeni të shumë pyetjeve që lojtarët kanë aktualisht dhe shpreson t’i adresojë ato së shpejti.

Ky është shikimi i parë se si po punon ekipi i Anthem që nga postimi në blog në maj. Dailey duket se po punon për një postim të ri, kështu që ne do të presim disa informata më thelbësore në të ardhmen e afërt.