Historia e Atelier Ryza 2 është e vendosur disa vite pas përfundimit të lojës Atelier Ryza 1 dhe është hera e parë që shohim një lojë të serisë Atelier që ka një sequel direkt me të njëjtit personazh. Ryza me miqtë e saj janë rritur goxha gjatë kësaj kohe dhe secili prej tyre ka ndryshuar, përveç Ryza e cila ka ngecur në Kurken Island dhe që po kërkon një justifikim për t’u larguar prej atyre dhe për zgjeruar aftësinë dhe njohuritë e saj në alkimi.
Dhe fati asaj i troket në derë pasi ajo merr një ftesë nga Tao për të investiguar disa rrënoja të vjetra që ndodhen në capital city ku ai jeton dhe punon. Gjithashtu në të njëjtën kohë Ryza merr një vezë misterioze nga drejtuesi i ishullit ku do t’iu duhet të mësoni më shumë rreth kësaj veze.
Gjithashtu për të gjithë ata që nuk e kanë luajtur lojën e parë të Atelier Ryza, Atelier Ryza 2 ofron informacione të ndryshme nga loja e parë duke mos e bërë historinë të pakuptimtë.
Pas marrjes së ftesës ju i drejtoheni capital city ku do të takohemi me Tao dhe do të eksploroni pesë rrënojat të cilat do të ndodhen rreth e rrotull qytetit kryesor. Gjatë këtij rrugëtimi ju njiheni me Fi që është një krijesë misterioze dhe që do t’iu shoqërojë gjatë gjithë historisë.
Gjatë eksplorimit të rrënojave ju do të mblidhni fragmente të ndryshme kujtimesh të cilat duhet t’i vendosni në radhën e duhur në mënyrë që të kuptoni më shumë rreth historisë. Në këto rrënoja ju do të gjeni vende tepër interesante, materiale të ndryshme dhe të rralla dhe shumë gjëra të tjera.
Gjatë këtij rrugëtimi ju gjithashtu do të takoheni me shumë personazhe të rinj dhe po ashtu të vjetër, ku secili prej tyre ka historinë e tij të vetën dhe të veçantë.
Seria e lojërave Atelier zakonisht nuk është e fokusuar në dyluftim por mesa duket kjo gjë ka ndryshuar. Atelier Ryza 2 ka një sistem dyluftimi më intuitiv dhe shpejtësia e kryerjes së lëvizjeve është përmirësuar goxha në krahasim me prequel e saj. Tashmë ju mund të kryeni lëvizje të ndryshme për të luftuar kundër përbindëshave dhe t’i kombinoni ato me personazhet e tjerë dhe items.
Një pjesë e rëndësishme e lojës është gjithashtu edhe sistemi i crafting i cili është një ndër bazat e lojërave Atelier. Sistemi i crafting deri diku është i njëjtë me atë të Atelier Ryza 1 ku llojet e ingredientëve grupohen në degë të ndryshme dhe ku secila degë ka set karakterisik elementësh. Duke bërë level up këto degë dhe elemente ju do të hapni degë të reja dhe do t’i shtoni tipare ose kualitete të reja tek items. Ndonjëherë duke bërë level up ju mund të zbuloni receta të reja.
Sistemi i crafting në Atelier Ryza 2 përmirësohet në disa mënyra të ndryshme. E para është nëpërmjet Essence të cilën mund ta merrni duke përdorur Gems për të përmirësuar një items ekzistent. Essence mund të ndryshojë elementin e një dege ose të shtojë lloje të reja degësh duke iu dhënë më shumë kontroll mbi item përfundimtar.
Mënyra e dytë është nëpërmjet Evolve Link e cila i lejon Ryza që të kombinojë dy items të ndryshëm duke kaluar tiparet e njërit tek tjetri.
Një mënyrë tjetër është nëpërmjet Skill Tree ku Ryza mëson shumicën e receta të reja dhe ato të vjetra. Gjithashtu këtu mëson shumë skills të ndryshëm si skills të cilat rrisin numrin e items që mund të përdorni në synthesis.
Problemi që ne hasëm me crafting ishte se loja nuk kishte një tutorial të plotë mbi të për të na treguar plotësisht se si ky sistem funksiononte. Kjo gjë na detyroi që të lodheshim që të mësonim shumicën e gjërave vetë.
Bota që Atelier Ryza 2 iu ofron është e bukur dhe me plot vende për të eksploruar. Ju keni mënyra të ndryshme për të eksploruar dhe rrugë të ndryshme për të arritur atje ku dëshironi. Sa herë që të zbuloni një vend të ri ju do të shpërbleheni me gjëra të ndryshme. Gjatë eksplorimit do të ndesheni edhe me thesare ose materiale të rralla të cilat ndodhen në vende të vështira për t’u arritur.
Gjithashtu ju mund të eksploroni edhe qytetin kryesor i cili është plot jetë ku mund të kryeni aktivitete të ndryshme ose të bisedoni me personazhe të ndryshme ku shumicën e rasteve ata kërkojnë ndihmën tuaj.
Bota e kombinuar me ngjyrat plot jetë dhe stilin e saj të veçantë nga ana grafike e bëjnë Atelier Ryza një lojë tepër të veçantë në llojin e saj.
Audio dhe muzika e përdorur në lojë ishte e kombinuar bukur me ngjarjet që zhvilloheshin në lojë. Një problem që ne hasëm ishte fakti që ndonjëherë nuk kishim audio gjatë dialogëve dhe na ngelej që të lexonim subtitle për të kuptuar se çfarë po ndodhte. Problemi i vetëm që ndoshta mund të hasni dhe që mund t’iu bezdis është se zërat e personazheve janë vetëm në japonisht. Shpresojmë që një version në gjuhën angleze të dalë së shpejti.
Për të përmbledhur mund të themi që Atelier Ryza 2: Lost Legend & the Secret Fairy iu ofron një histori të bukur në një botë plot jetë dhe aktivitete të ndryshme për të bërë kombinuar me muzikën tepër tërheqëse. Ju keni plot gjëra për të bërë dhe gjithashtu plot vende për të eksploruar në mënyra të ndryshme. Gjithashtu sistemi i combat dhe crafting ishte tepër argëtues dhe i thjeshtë deri diku për t’u përdorur.