Telefoni Energizer zhduket nga tregu pasi dështoi të mblidhte mjaftueshëm fonde

Telefoni  Energizer Power Max P18K Pop, një telefon Energizer me një bateri masive 18,000mAh është anulluar pasi dështoi në mbledhjen e fondeve, duke marrë vetëm 1% të shumës së dëshiruar.

Telefoni masiv u paraqit për herë të parë në MWC 2019 në shkurt dhe u lançua në Indiegogo në fund të marsit. Siç duket jo shumë njerëzve iu ngjiti telefoni, pasi paisja ia doli të mblidhte vetëm $15,000.

Avenir Telecom, që ka liçensuar emrin Energizer për përdorim në smartphone-a, priste rreth $1.2 milion fitime dhe $599 për tek telefon. Sipas këtij plani kompanisë do i duhej të shiste 2000 copë të këtyre telefonave.

Pse dështoi ky telefon? Këtu duhet ta pranojmë se askush nuk është i interesuar në të paturit e një telefoni aq të madh në xhep. Fundja nuk jemi më në 2000, kur ishte puna e Nokias për të bërë telefona tullë.

Pavarësisht tipareve të mira që kishte, ka plot telefona të tjerë në treg me të njejtin çmim, që edhe tërheqin syrin e publikut më mirë. Në fund të ditës ky telefon do të mbetet në harresë. Mbi të gjitha për atë emrin e gjatë që kishte.