Vendosja e një password të sigurt është e rëndësishme për të ruajtur llogarinë tuaj nga hacker. Dhe një studim i kryer së fundmi tregon se sa kohë i duhet një hacker për të gjetur password tuaj. Dhe mund të themi që rezultatet janë goxha të frikshme.
Studimi i publikuar nga Hive Systems ka treguar një grafik të password të 2022 ku tregohet se sa kohë i duhet një hacker që të gjej password tuaj. Dhe rezulatet e zbuluara janë goxha të frikshme duke marrë parasysh avancimin e teknologjisë.
Grafiku i shfaqur tregon se sa pak kohë i duhet hacker që të zbulojë password tuaj. Bazuar në të dhënat nga ky grafik, një password me 7 karaktere, numra, shkronja të vogla, të mëdha dhe simbole kërkon vetëm 31 sekonda për t’u zbuluar.
Kjo tregon se sa të sigurt janë llogaritë tuaja dhe password që ju vendosni. Të dhënat janë të bazuara në një hacker normal i cili përdor një PC normale me një kartë grafike të fuqishme si Nvidia RTX 3090. Mesa duket GPU nuk janë të mira vetëm për të bërë mining kriptomonedha por gjithashtu edhe për të gjetur password.