Spy x Family bën homazh drejt Dragon Ball

Spy x Family është drejt episodeve të fundit të Part 1 dhe deri më tani ka fituar një popullaritet goxha të madh. Dhe episodi më i fundit i serisë anime na ka sjellë një Easter Egg i cili ka lidhje me Dragon Ball dhe që ka surprizuar fansat.

Në episodin më të ri të serisë anime, episodi 10, mund të shohim Anya bashkë me klasën e saj teksa  ata stërviten për lojën e “dodgeball” pas një thashethemi se lojtari më i mirë do të shpërblehet me një Stella Star.

Kjo e shtyn Anya bashkë me klasën e saj dhe sidomos Damien Desmond. Damien mund ta shohim teksa stërvitet goxha fortë derisa në një moment e shohim atë duke imagjinuar se po bllokonte një prej sferave shpërthyese të Frieza në Namek nga anime e Dragon Ball.

Kjo pjesë na sjell nostalgji nga episodet e arc të planetit Namek ku Goku, Vegeta dhe shumë të tjerë përballen me Frieza dhe kundërshtar të tjerë. Dhe kjo gjë ka bërë që fansat ta pëlqejnë Spy x Family akoma edhe më shumë.

Momentalisht Spy x Family është në episodin e 10 dhe pritet që Part 1 të mbyllet me 12 episode. Anime do të vazhdojë përsëri në vjeshtë me Part 2 i cili do të sjellë goxha episode të reja.