Wallpapers për Android 12 kanë dalë dhe ju mund t’i përdorni ato

Android 12 pritet të sjellë versionin e saj të parë së shpejti bashkë me shumë veçori të reja të cilat mezi po priten. Bashkë me to janë edhe wallpapers ku disa prej tyre janë publikuar së fundmi.

Falë Wylsacom i cili ka shpërndarë disa nga wallpapers e Android 12, tashmë ne mund t’i provojmë ato pa qenë nevoja të presim për Android 12. Pjesa më e bukur është se ju keni një larmishmëri të madhe pasi ato ofrohen në forma dhe madhësi të ndryshme duke iu lejuar t’i përshtatni këto wallpapers me shumë pajisje të ndryshme.

Nëse dëshironi, ju mund t’i shkarkoni ato me rezolucionin 1440p duke klikuar këtu. Ky link do t’iu çojë në Google Drive ku ju mund t’i shkarkoni wallpapers në formatin zip. Gjithashtu duhet përmendur se këto wallpapers nuk janë marrë nga versioni përfundimtar i Android 12 dhe mund të hiqen më vonë prandaj përpiquni t’i provoni sa më parë.