A po “vdes” Overwatch? Sa popullore është loja së fundmi?

Çfarë po ndodh së fundmi me Overwatch?

Viti 2021 nuk ka shumë që ka ardhur dhe për disa muaj Overwatch mbush afërsisht 5 vite që është lançuar. Por së fundmi shumë thashetheme kanë qarkulluar rreth Overwatch duke thënë që loja është duke vdekur. Por sa e vërtetë është kjo dhe sa popullore është ajo momentalisht?

Gjatë muajit nëntor të vitit 2020, Activision Blizzard zbuloi se Overwatch kishte akoma afërsisht 10 milion lojtarë aktiv. Duke marrë parasysh se loja ka afërsisht 5 vite që ka dalë mund të themi që Overwatch nuk po ecën edhe aq keq. Një vit pas lançimit të lojës, Overwatch arriti 35 milionë lojtarë dhe gjatë vitit të dytë arriti 50 milionë lojtarë.

Edhe pse lojëra si Valorant dhe Call of Duty: Warzone ka ndikuar shumë tek Overwatch, loja është përsëri larg nga quajtja “lojë e vdekur”. Kohët e fundit Overwatch ka marrë update të ndryshme dhe gjithashtu të ketë në të shumë evente sezonale nga më të ndryshmet.

Gjithashtu edhe në Twitch po ndodh pothuajse e njëjta gjë. Gjatë vitit të lançimit Twitch zbuloi se Overwatch ishte loja më popullore në platformën e saj gjatë 2016. Por së fundmi ky popullaritet ka rënë duke u pozicionuar së fundmi në vendin e 30 me vetëm 15,600 shikues.