Windows 10 ka përsëri probleme nga update i fundit
Windows 10 ka përsëri probleme nga update i fundit
Një update i ri ka ardhur së fundmi gjatë muajit dhjetor për përdoruesit e Windows 10 dhe si zakonisht po shkakton probleme të mëdha. Një rregullim për ketë problem akoma nuk ka ardhur dhe problemet që ky update po shkakton po iu prishin shumë punë përdoruesve.
Sipas përdoruesve, një nga problemet që ata kanë hasur më shpesh pas këtij update është përdorimi i lartë i CPU dhe RAM. Kjo gjë ka shkaktuar shumë probleme pasi ata e kishin të pamundur të hapnin programet ose lojërat e tyre. Madje në disa raste ishte e pamundur të hapej edhe browser.
Një përdorues tjetër i Windows 10 ka raportuar se Bluetooth i PC së tij ka ndaluar së funksionuar. Kurse disa përdorues të tjerë kanë raportuar se pas update të fundit kanë filluar të hasin shpesh crashes të Windows 10 dhe Blue Screen of Death Error.
Një problem tjetër që përdoruesit kanë hasur është instalimi i update të ri. Gjatë instalimit të update shfaqen errors të ndryshëm duke treguar se disa files mungojnë dhe se update duhet të fillojë përsëri nga fillimi.
Microsoft akoma nuk ka nxjerrë një njoftim në lidhje me këto probleme që përdoruesit kanë hasur. Besojmë se një update i ri do të vijë së shpejti i cili do të rregullojë pjesën më të madhe të këtyre problemeve.