Lunar New Year vjen së fundmi në Steam bashkë me shumë ulje të mëdha në lojëra të ndryshme që kjo platformë ofron. Dhe për t’ua bërë punën më të lehtë ne kemi sjellë një listë me lojërat të cilat kanë super oferta ose ulje dhe që duhet t’i provoni.
Uljet e Steam me rastin e Lunar New Year janë të shumta dhe të cilat do të zgjasin deri më datën 15 shkurt. Dhe meqë koha është e shkurtër, do t’iu duhet që të përfitoni sa më shumë që të jetë e mundur nga kjo gjë.
Ndër lojërat e para që do të përmendja është The Witcher 3: Wild Hunt për të cilin nuk mund të flas shumë pasi të gjithë e njihni dhe të cilin mund ta blini për vetëm 5.99 euro. Dhe nëse dëshironi më shumë prej The Witcher 3, ne iu rekomandojmë të blini versionin Game of the Year i cili ofron një mal me gjëra të reja për vetëm 9.99 euro.
Nëse jeni fans i lojërave të cilat iu ofrojnë një soundtrack të mrekullueshëm teksa luani, ne iu sugjerojmë DOOM Eternal. Loja ka dalë vitin e kaluar dhe është vlerësuar si një ndër lojërat më të mira të atij viti duke iu sjell aksion në çdo moment dhe sigurisht një soundtrack fantastik. Dhe e gjithë kjo për vetëm 19.79 euro.
Për të gjithë fansat e lojërave të zhanrit stealth, dark dhe steampunk ne do t’iu sugjerojmë serinë Dishonored nga Bethesda. Në ketë lojë ju do të jeni një assassin i cili kërkon hakmarrje dhe ketë gjë do ta bëni nëpërmjet kombinimit të aftësive supernaturale, armëve dhe pajisjeve të pazakonta që do të keni. Momentalisht seria e Dishonored është në 70% zbritje në të treja lojërat që ka.
Dhe nëse mendoni se harruam fansat e zhanrit fighting, e keni gabim. Për ketë zhanër me kemi sjellë Tekken 7 të cilin e gjeni me 75% ulje dhe që njihet si një ndër lojërat më të mira fighting. Dhe nëse dëshironi edhe pak anime në të, ne iu rekomandojmë Dragon Ball FighterZ i cili vjen me një ulje speciale prej 84%.
Dhe gjithashtu do t’iu sugjeroja edhe seritë e lojërave Assassin’s Creed, Far Cry dhe Watch Dogs nga Ubisoft të cilat i gjeni me mbi 80% ulje. Nxitoni të përfitoni nga këto ulje në Steam të cilat do të zgjasin deri më datën 15 shkurt.