Turner ‘Tfue’ Tenney ka deklaruar se rivalii tij i streaming, Tyler ‘Ninja’ Blevins, gjithmonë e ka “urryer atë”, por atij nuk i intereson shumë kjo.
Tfue dhe Ninja kanë një histori që është më e madhe se koha kur thjesht bënin stream Fortnite në Twitch. Dyshja e filloi rivalitetin e tyre si lojtarë të H1Z1, ku Blevins filloi të kishte më shumë sukses se Tenney.
Me kalimin e viteve ata janë përballur kokë më kokë në shumë raste në Fortnite, ku gjithmonë ka dalë fitues ose njëri ose tjetri. Së fundmi kanë patur edhe një ballafaqim të vogël në Twitter mbi të ardhmen e lojës battle royale.
Gjithsesi në dallim me rivalë të tjerë, ata kurrë nuk i kanë marrë gjërat shumë personale edhe pse siç deklaron Tfue, gjithmonë kanë patur diferenca me njëri-tjetrin.
Gjatë stream-it të tij në 3 tetor, Tfue po luante disa ndeshje Zone Wars, kur e ktheu vëmendjen në dramën e tij me Ninja. Teksa po shikonte dy lojtarë të tjerë që po luftonin për fitoren, ai u hap për marrdhënien e tij me Ninja.
“Ninja gjithmonë më ka urryer. Sado i sjellshëm që jam treguar me të.” Tha Tfue. “Ndaj nuk është se di çfarë t’ju them, por nuk është se më intereson.”
Sado që është dyshuar shpesh edhe nga fansat që ata nuk merren vesh, është hera e parë kjo që njëri prej tyre e pranon hapur dhe nuk bën referenca me nënkuptime gjatë stream-eve. Nëse këta të dy do i lënë mënjanë diferencat një ditë, mbetet të presim dhe të shohim, por për momentin nuk duket se gjërat nuk janë edhe aq mirë.
Tfue në fakt u shkëput për një periudhë kohe nga të bërit stream në shtator, pjesërisht prej pakënaqësive që kishte me vetë Fortnite. Sidoqoftë duket se kur u kthye, vazhdoi ta kritikonte lojën, duke thënë se në Season 11 ajo do të marrë fund.
Ninja nga ana tjetër ka qenë gjithmonë më i matur në opinionet që ka dhënë për lojën që e ka ndihmuar të bëhet kaq i famshëm, por është ende e paqartë nëse mosmarrëveshjet me Tenney shkojnë përtej opinioneve të tyre mbi gaming.