Teaser-i i parë për Fortnite Season 2 ka një mesazh sekret

Shfaqet në të gjithë botën teaser-i i parë nga Epic Games

Season 2 i Chapter 2 në Fortnite pritet të nisë në 20 shkurt, pas një vonese që e bëri këtë sezonin më të gjatë në historinë e lojës. Deri më tani, dihet shumë pak për atë çka pritet të vijë, por sezonet e reja zakonisht sjellin ndryshime të shumta. Një reklamë e re është shfaqur në qytete në mbarë botën dhe duket se ajo është shenja e parë drejt asaj që pritet të vijë.

Reklamat të cilat janë gjetur në Japoni, Brazil dhe Francë, kanë një animim të shkurtër. Një shenjë dore e artë duket mbi logon e Fortnite dhe disa shirita të artë mbulojnë tekstin në fund. Megjithatë, një numër telefoni është i dukshëm, të cilit fansat padyshim që e telefonuan.

Kur telefonohet numri, një mesazh i pazakontë fillon të luhet, i cili thotë: “Po zotëri, agjentët u telefonuan. Karta për të hyrë në kasafortë u ble.“

Çfarë do të thotë e gjitha kjo? Ka spekulime se tematika e Season 2 do të ketë lidhje me arin dhe me shumë mundësi mbretin Midas nga mitologjia greke, i cili i kthen sendet në ar kur i prek.

Shufrat dhe shenja e artë e dorës padyshim që hedhin shenja drejt kësaj. Ka mundësi që ari të shtohet si materiali i katërt në Fortnite dhe ai mund të jetë i pashkatërrueshëm, gjë për të cilën lojtarët janë të shqetësuar.

Ky është vetëm teaser-i i parë për Season 2 dhe presim që së shpejti të ketë edhe më shumë. Hera e fundit që Epic Games solli një teaser në botën reale ishte kur një Durr Burgher u vendos në mes të një shkretëtire.