Teksa coronavirus vazhdon ti mbajë njerëzit në shtëpi, ata kanë vazhduar të bëjnë login në Steam. Platforma ka thyer sërish rekordin e saj për numrin e lojtarëve në të njejtën kohë këtë fundjavë, me 22 milionë.
SteamDC ka raportuar se ka kapur një maksimum prej 22,678,529 lojtarësh, rreth dy milionë më shumë se rekordi i vënë javën e kaluar. Që në fillim të vitit kjo shifër ka qenë vetëm në rritje për Steam dhe për shkak të pandemisë së COVID-19 ka arritur kulmin.
Counter-Strike: Global Offensive është loja që lojtarët po luajnë më shumë për momentin. Edhe ajo ka vendosur një rekord këtë fundjavë me 1,096,442 lojtarë që e kanë luajtur në të njejtën kohë.
Në vend të dytë kemi Dota 2 me 717,882, por ajo është ende larg kulmit të saj, që ka qenë 1.3 milionë. Një tjetër lojë që po performon shumë mirë është Doom Eternal, që dyfishoi shifrat e paraardhëses së saj, Doom.
Në Top 5 lojërat e Steam këtë fundjavë kemi edhe PlayerUknown’s Battlegrounds, Grand Theft Auto V dhe Rainbow Six Siege.