Siç e kemi përmendur edhe më përpara, Consumer Electronics Show e njohur ndryshe si CES ka sjellë kësaj radhe SDD më të shpejtë që kemi parë kohët e fundit. Duke përdorur avantazhin që PCIe 4.0 I jep, SSD e reja do të sjellin një epokë të re në fushën e gaming.
SSD u prezantua gjatë premierës së MSI ku tregohej se ky drive i ri do të kishte një shpejtësi leximi të dhënash prej 7,000 MB/s dhe shkrimi të dhënash prej 6,900 MB/s. Gjithashtu u zbulua se madhësia më e madhe do të jetë 4TB dhe se do të ketë sistemin e vetë ftohës duke bërë që SSD të qëndrojë performojë sa më shpejtë.
Kingston gjithashtu zbuloi serinë e re të SSD të quajtur Ghost Tree e cila është ka pothuajse të njëjtën shpejtësi leximi dhe shkrimi të dhënash. Akoma nuk kemi të dhëna se kur do të vijnë këto SSD ose se sa do të kushtojnë por ato nuk do të jetë shumë të lira.
Një SSD e cila momentalisht ka pothuajse të njëjtën shpejtësi dhe që ka kohë në treg është Samsung 980 Pro SSD dhe një SSD me madhësi 500GB kushton afërsisht 140 dollarë amerikanë. Kjo gjë na jep një ide se sa do të jetë çmimi për SSD e ardhshme të cilat do të përfitojnë nga PCIe 4.0.
SSD e reja do të sjellin shumë ndryshime si ndezja më e shpejtë e PC, procesim më i shpejtë i të dhënave dhe loading time më e shkurtër. Nëse dëshironi të ndërtoni një PC dhe akoma jeni në dilemë se çfarë të merrni, ju mund të zgjidhni gjeneratën e re të procesorëve Intel Rocket Lake e cila do të suportojë PCIe 4.0. Gjithashtu hidhini një sy GPU më të fundit nga Nvidia e cila vjen me një çmim tepër të mirë.