Sony zyrtarizon datën e zbulimit të PlayStation 5

PlayStation 5 do të zbulohet nesër

Pas shumë zërash, Sony ka konfirmuar se eventi i zbulimit të PlayStation 5 do të zhvillohet nesër, duke zbuluar datën, orën dhe vendin për zbulimin e konsolës së tyre të gjeneratës së ardhshme.

Zbulimi online i PlayStation do të bëhet nesër në orën 17:00 në PlayStation Blog, me arkitektin e PS5 Mark Cerny që do të shpjegojë arkitekturën e PS5, si dhe mënyrën se si konsola do të ndryshojë të ardhmen e videolojërave.

Nërkohë që PlayStation ka zbuluar disa detaje për planet për gjeneratën e ardhshme gjatë vitit të kaluar, ky event pritet t’i japë përgjigje disa prej pyetjeve më të mëdha që kemi rreth parametrave dhe çmimit të PS5 dhe madje mund të zbulojë disa prej lojërave ekskluzive që do të vijnë në PS5.

PS5 do të konkurrojë në mënyrë direkte me Xbox Series X të Microsoft. Të dyja këto konsola do të lançohen gjatë fundit të këtij viti. Tani, është në dorë të Sony për të tërhequr blerësit e PlayStation 5, me Microsoft që ka zbuluar shumë detaje rreth konsolës së tyre.