Xbox Series X thuhet se do të suportojë rezolucion 8K dhe 120Hz refresh rate
Xbox Series X thuhet se do të suportojë rezolucion 8K dhe 120Hz refresh rate
Xbox Series X do të jetë më i fortë se PlayStation 5, sipas një komenti të fundit nga shefi i Xbox, Phil Spencer. Siç e dini, kur u lançua Xbox One, konsola ishte më e dobët dhe njëkohësisht më e shtrenjtë se PlayStation 4. Microsoft e korrigjoi këtë gabim me Xbox One X, i cili ishte dukshëm më i fuqishëm se PS4 Pro. Që prej asaj kohe, Microsoft e ka reklamuar gjithmonë Xbox One X si “konsola më e fuqishme në botë“. Duket se këtë pozicion Microsoft kërkon ta mbajë sërish me Xbox One X sipas Phil Spencer.
“Qëllimi ynë ka qënë gjithmonë të krijojmë konsolën më të fuqishme që mundemi dhe mendojmë se ja kemi arritur. Na pëlqen të jemi lider në fuqi dhe performancë dhe mendojmë se do t’ja arrijmë sërish,” – tha Spencer.
Siç duket qartë, Spencer sugjeron se Xbox Series X do të jetë konsola më e fuqishme kur të lançohet në 2020. Sigurisht, duke mos ditur se çfarë parametrash do të ketë PS5, nuk mund të jemi të sigurt rreth vërtetësisë të këtij komenti.
Pavarësisht se cila konsolë është më e fuqishme, Xbox Series X padyshim që ka disa parametra shumë të mirë. AMD Ryzen Zen 2, GDDR6 SDRAM (nuk dihet sa RAM ka ekzaktësisht, një SSD NVMe, mundësi për të luajtur lojëra në 8K dhe për të arritur 120Hz si dhe 12 TFLOPS fuqi në procesim grafik. Padyshim që këto parametra ngrënë dhe pyetje të tjera, sidomos rreth çmimit të konsolës.
Xbox Series X pritet të lançohet gjatë fundit të vitit 2020. Momentalisht, nuk dihen data ekzakte e lançimit dhe çmimi i konsolës.