Zoom megjithatë ka patur dhe shumë rreziqe privacie dhe sigurie
Zoom megjithatë ka patur dhe shumë rreziqe privacie dhe sigurie
Thuajse të gjithë e njohin Zoom tani: prindër, kolegë, miq, gjyshër dhe komshinj. Kompania e software-it të videokonferencave që u bë publike vitin e kaluar po kalon një moment mjaft të mirë gjatë kësaj pandemie. Shumë njerëz iu drejtuan këtij shërbimi për të folur me miqtë, për të ndërtuar klube dixhitale dhe madje edhe për të zhvilluar dasma. Megjithatë, në këtë periudhë rritjeje të vrullshme, kërkuesit dhe gazetarët e kanë kritikuar aplikacionin dhe kanë gjetur disa rreziqe sigurie dhe privatësie. Njerëzit kanë filluar të kuptojnë se përdorimi i këtij aplikacioni falas ka arhdur me koston e dhënies së të dhënave të tyre personale.
Veçoria më tërheqëse e Zoom, të paktën për shumicën e konsumatorëve, është se ofron konferenca me video falas për 40 minuta për 100 pjesëmarrës. Zoom është fare i lehtë për t’u përdorur pasi nuk ka nevojë të kesh një llogari, ndërkohë që ndërfaqja e përdorimit është mjaft e thjeshtë. Megjithatë, këto veçori janë ato që sjellin rrezik.
Për shëmbull, Zoombombing po shfrytëzon faktin që Zoom krijon një ID rastësore për çdo mbledhje dhe mungesën e passwords për të hyrë në calls. Njerëz futen në Zoom calls që nuk janë të tyret dhe transmetojnë pornografi ose material tjetër të papërshtatshëm. Një mjet i zhvilluar nga kërkues sigurie mund të gjejë rreth 100 ID për mbledhje në Zoom në orë, si dhe të marrë informacion për 2400 mbledhje në Zoom brenda një dite, duke treguar se sa e thjeshtë është për të gjetur një mbledhje. Zoom thotë se passwords kanë qënë të aktivizuara që prej vitit të kaluar, por njerëzit ende nuk po i përdorin ato.
Ky nuk është i vetmi rrezik me Zoom. Kompania gjithashtu ka patur probleme me opsionin Company Directory, i cili mund të bëjë leak e-mail-e dhe foto, ndërkohë që ata gjithashtu konfirmuan se nuk ofrojnë end-to-end encryption të plotë. Kompania ka njoftuar një ngrirje 90-ditore të çdo lançimi të veçorive të reja, me qëllim për të zgjidhur këto probleme.
Njerëzit po vazhdojnë të përdorin Zoom sepse është falas dhe i thjeshtë në përdorim, por edhe kompani të tjera po rriten shumë. Ka disa alternativa falas, ndërkohë që disa shërbime i kanë bërë disa prej veçorive falas ose kanë rritur numrin e njerëzve që mund të hyjnë në një call. Zoom pati shumë sukses gjatë një periudhe të errët të botës dhe do të vazhdojë të përpiqet për ta mbajtur këtë pozicion, por kjo gjë duhet të vijë me rregullime të problemve të privatësisë dhe sigurisë.