Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Bisedat tuaja në Zoom nuk janë tërësisht konfidenciale
Pandemia e COVID-19 ka sjellë probleme për shumë njerëz në mbarë botën. Me shtetrrethimet që janë bërë diçka fare normale dhe shumicën e njerëzve që po punojnë nga shtëpia, të gjithë po mundohen të gjejnë mënyrën perfekte për të kryer biznes ndërkohë që janë online. Një prej këtyre mënyrave është Zoom, një shërbim videokonferencash që ka patur një rritje shumë të madhe gjatë kësaj pandemie.
Shkollat, universitetet dhe shumë biznese në botë po përdorin Zoom për të komunikuar. Kompania thotë se ka enkriptim end-to-end, e cila është pranuar gjërësisht si mënyra më e sigurt për të komunikuar në internet, duke qënë se ajo pengon personat e jashtëm nga aksesimi i bisedës ose informacionit që po jepet.
Tani, problemi ngrihet nga një raport i cili thotë se bisedat në Zoom nuk kanë enkriptim end-to-end siç reklamon kompania.
Si ka ndodhur kjo gjë? Mesa duket, Zoom ka një përkufizim të tijin për end-to-end. Normalisht, kur flasim për këtë lloj enkriptimi, kjo do të thotë se asnjë i jashtëm nuk ka akses në bisedat ose konferencat që po mbahen. Megjithatë, në rastin e Zoom, thuhet se vetë Zoom ka akses në videon dhe audion që transmetohet gjatë mbledhjeve ose konferencave.
Momentalisht, miliona njerëz po punojnë nga shtëpia ose po përdorin Zoom për qëllime të tjera si mësimi online. Por jo vetëm kaq, edhe bizneset po përdorin Zoom për mbledhjet e tyre dhe në një situatë të tillë, ky lloj problemi mund të shkaktojë shumë shqetësim. Është e dukshme që Zoom po ecën shumë mirë momentalisht, gjë e cila bën që t’i kushtohet më shumë vëmendje këtyre detajeve.
Megjithatë, Zoom gjithsesi ofron siguri për sa i përket përdorimit të përgjithshëm. Gjithsesi, ngrihet shqetësimi se nëse Zoom dëshiron për çfarëdo arsyeje, ata kanë fare lehtë akses në informacion që ata nuk duhet ta kenë.
Kjo gjithashtu do të thotë se Zoom ka aftësinë të spiunojë në mbledhjet private me video dhe duke parë se sa biznese po i zhvillojnë këto mbledhje në Zoom, kjo është diçka mjaft shqetësuese.
