Një guidë për të lidhur controller-in tuaj të preferuar me Call of Duty: Mobile
Një guidë për të lidhur controller-in tuaj të preferuar me Call of Duty: Mobile
Suksesi i Call of Duty: Mobile pas lançimit ka bërë që aktivizion ta suportojë lojën më shumë seç pritej. Update i 22 nëntorit solli në lojë Zombies, por dhe gjithashtu suportin për controllers.
Ka ende disa probleme me përdorimin e controllers në lojë e sidomos në Android, por ato janë të lidhura me lojën dhe pritet të rregullohen së shpejti. Më poshtë do të shpjegojmë se si të përdorni një controller PS4 ose Xbox One në pajisjet tuaja iOS dhe Android.
Për të përdorur një controller në pajisjet iOS (iPhone dhe iPad), sigurohuni fillimisht që po keni të instaluar iOS 11 ose një version më të ri. Shkoni në Settings dhe më pas Bluetooth. Kur aktivizoni Bluetooth, pajisja juaj do të kërkojë për pajisje të tjera për t’u lidhur.
Më pas, në controller-in tuaj PS4 shtypni njëherësh butonat PS dhe Share, derisa drita të pulsojë. Për controller-at e Xbox One, shtypni njëherësh butonat Xbox dhe Sync. Në këtë moment, do të shfaqet opsioni për të lidhur pajisjen tuaj iOS me controller-at.
Pasi ta bëni këtë gjë, hapni Call of Duty: Mobile. Brenda lojës, shkoni në Settings dhe më pas në Controller. Sigurohuni që Controller Support është aktivizuar dhe çdo gjë është në rregull!
Në Android, procesi është gjithashtu shumë i ngjashëm. Në Settings, shkoni në Bluetooth dhe shtypni Pair New Device. Më pas, shtypni të njëjtat butona në controller për ta lidhur atë.
Pasi e lidhni controller-in me pajisjen tuaj Android, futuni në Call of Duty: Mobile, futuni në Settings dhe sigurohuni që Controller Support është aktizivuar, si në iOS.
Momentalisht, duhet thënë se Android ka disa probleme në krahasim me iOS, pasi analog-u i djathtë nuk punon siç duhet. Këto probleme dihen dhe pritet të rregullohen së shpejti nga zhvilluesit e Call of Duty: Mobile.
Duhet marrë parasysh se kur përdorni një controller në Call of Duty: Mobile, do të luani vetëm kundër lojtarëve të tjerë që përdorin controller, për të siguruar ndeshje të drejta për të gjithë.