Zombies do të vijnë në Call of Duty: Mobile në 22 nëntor

Pritjes do t’i vijë së shpejti fundi

Zombies do të vijnë në Call of Duty: Mobile në 22 nëntor, siç u zbulua nga Activision në update-in e fundit për komunitetin e tyre ditën e sotme.

Në disa testime në beta përpara lançimit global të lojës në 1 tetor, Zombie Mode mund të luhej dhe kishte progresion linear me ekipe që luftonin ndaj turmave me zombie dhe bosave. Një dataminer më vonë zbuloi se Survival Mode do të vinte në lojë.

Update-i i komunitetit foli dhe për controllers dhe zbuloi se ato do të suportohen nga loja së shpejti. Në postim, Activision tha se do të postojë një listë që zbulon se cilat controllers suportohen, opsionet dhe mënyrën se si ato duhet të përdoren.

Sezoni i parë i Call of Duty: Mobile do të mbyllet javën e ardhshme dhe leaks të ndryshëm tregojnë se harta, scorestreaks dhe armë të reja do të vijnë. Në postimin e Activision ndodhej një foto e hartës Summit nga Call of Duty: Black Ops, pra mund të supozojmë se harta do të vijë në sezonin e dytë. Një hartë e re për Zombies gjithashtu do të vijë në 22 nëntor.

Acitivison tha se më shumë detaje do të zbulohen së shpejti.