Hidhini një sy grafikave të Xbox Series X
Hidhini një sy grafikave të Xbox Series X
Microsoft zbuloi Xbox-in e ri në The Game Awards ditën e djeshme, Xbox Series X. Së bashku me të, ata zbuluan një lojë tërësisht të re nga Ninja Theory, Senua’s Saga: Hellblade 2.
Trailer-i nuk zbulon shumë mbi lojën, por duket sikur loja nuk do të shkojë shumë larg origjinës së saj. Hellblade: Senua’s Sacrifice tregon historinë e një luftëtareje kelte që lufton ndaj përbindëshave vikingë në një botë të errët dhe të zymtë, por gjithashtu tregon dhe problemet me shëndetin mendor në një mënyrë sensitive dhe efektive. Në përgjithësi, loja e bënte shumë mirë këtë gjë.
Është pak e çuditshme që një lojë e ndërtuar rreth një koncepti të mirë dhe të qartë do të marrë një sequel, por duke marrë parasysh sa mir u trajtua nga Ninja Theory herën e parë, shpresat janë të larta edhe kësaj rradhe. Përdorimi i saj si një lojë premierë për Xbox dërgon një sinjal se Microsoft po ashtu e mendon këtë gjë. Nuk ka ende një datë zyrtare lançimi.
The Game Awards është një traditë e përvitshme vjetore tashmë nga ana e Geoff Keighley. Çdo vit shikuesit, zhvilluesit dhe kushdo që ka lidhje me gaming mblidhen për të celebruar lojërat më të mira të vitit. The Game Awards është gjithashtu vendi ideal për njoftime të reja. Klikoni linkun këtu për të parë listën e plotë të fituesve.