KOEI TECMO Europe dhe Omega Force kanë prezantuar së fundmi lojën e tyre më të fundit të quajtur Samurai Warriors 5 e cila do t’iu sjellë lojtarëve një dramë historike epike.
Historia e Samurai Warriors 5 nis pas luftës Onin gjatë periudhës së Sengoku dhe tregon historinë e dy komandantëve më të fuqishëm të kësaj periudhe, Nobunaga Oda dhe Mitsuhide Akechi. Në Samurai Warriors 5 do të përfshijë pjesë të ndryshme të jetës së secilit karakter.
Të gjithë karakteret e lojës janë rikrijuar dhe dizajnuar plotësisht për t’u përshtatur me historinë e lojës. Samurai Warriors 5 do të përfshijë pothuajse 27 karaktere të cilët mund të luhen bashkë me karaktere të vjetra që janë rikthyer dhe karaktere të reja që do t’i shohim për herë të parë.
Fansat e lojës do të kenë mundësi të shtien në dorë dy versione special edition të kësaj loje nëpërmjet dyqanit online të KOEI TECMO Europe. Versioni The Treasure Box do të përfshijë kolonën zanore të Samurai Warriors 5, art book, postacard, poster dhe një kopje fizike të lojës të paketuara në një kuti të stilit samurai. Kurse versioni Collector’s Edition i lojës do të përfshijë karakteret e lojës bashkë me një mbajtëse ku ju mund t’i vendosni ata.
Samurai Warriors 5 do të vijë gjatë verës së këtij viti dhe do të mund të luhet në platforma si Nintendo Switch, PS4, Xbox One, Xbox Series X|S dhe PS5 nëpërmjet Backward Compatibility dhe PC nëpërmjet Steam.