Steam është një prej platformave më të mëdha për blerjen e lojërave e cila përdoret çdo ditë nga lojtarë nga e gjithë bota. Pothuajse secili prej nesh ka shpenzuar para aty por a e dini se sa para keni shpenzuar në Steam ose se sa kushton llogaria juaj në ketë platformë?
Për ta zbuluar ketë gjë ju mund të përdorni disa mënyra por ne do të paraqesim për ju mënyrat më të lehta ose të cilat nuk kërkojnë aplikacione shtesë ose third-party tools. Si fillim le të shikojmë se sa para keni shpenzuar në llogarinë tuaj në Steam.
Për ta bërë ketë gjë do t’iu duhet që të përdorni aplikacionin e Steam në PC. Pasi të keni hyrë në aplikacionin e Steam në PC, drejtohuni tek seksioni Help dhe më pas tek Steam Support siç tregohet në foton e mësipërme.
Pasi të keni kryer ketë, do të klikoni mbi My Account, më pas në Data Related to Your Steam Account dhe pas kësaj klikoni në External Funds Used. Pasi të kryeni këto veprime do t’iu shfaqet se sa para keni shpenzuar. TotalSpend tregon se sa para keni shpenzuar në total në llogarinë tuaj të Steam dhe siç mund ta shikoni unë kam shpenzuar 108.27 dollarë amerikanë në llogarinë time kurse OldSpend tregon se sa para keni shpenzuar para 17 prill 2015.
Nëse dëshironi që të zbuloni edhe se sa është vlera e llogarisë suaj të Steam, ju mund të përdorni SteamDB Calculator. Gjithçka që duhet të bëni është hapni link, të vendosni ID tuaj ose link e profilit tuaj në Steam dhe të klikoni enter.
Këtu do t’iu shfaqen të dhënat tuaja dhe gjithashtu edhe vlera e llogarisë suaj. Sigurohuni që të keni vendosur profilin tuaj të Steam në public në mënyrë që të përdorni SteamDB Calculator.