Muajt shkurt dhe mars do të sjellin shumë veçori të reja, champions dhe skins në League of Legends Wild Rift
Muajt shkurt dhe mars do të sjellin shumë veçori të reja, champions dhe skins në League of Legends Wild Rift
Riot Games ka publikuar së fundmi se ka në plan të sjellë shumë gjëra të reja në versionin mobile të League of Legends duke zbuluar se çfarë ka në plan të sjellë në update e ardhshme gjatë muajit shkurt dhe mars.
Veçoria e parë që është planifikuar që të vijë dhe që është kërkuar shumë nga komuniteti është spectator mode. Riot Games synon që ta zgjerojë lojën e saj edhe në aspektin e esports dhe kjo gjë do të thotë që spectator mode është diçka e nevojshme që loja të evoluojë.
Përveç kësaj veçorie, Riot do të sjellë edhe veçorinë replay e cila do të jetë e ngjashme me atë që është momentalisht në PC. Kjo veçori iu lejon lojtarëve të shikojnë lojërat e tyre të kaluara duke iu dhënë mundësinë për t’u përmirësuar ose thjesht për t’i regjistruar. Gjithashtu edhe custom games do të prezantohen së shpejti.
Champions e rinj të cilët do të vijnë në Wild Rift gjatë muajt shkurt janë Xayah dhe Rakan por akoma nuk është zbuluar se kur do të vijnë. Sipas informacioneve që kemi dimë që ata do të vijnë gjatë eventit Lunar Beast që do të zhvillohet me rastin e Lunar New Year.
Akoma nuk dihet nëse eventi do të jetë i ngjashëm me atë të Yordle Expedition ku ju plotësoni misione të ndryshme për të hapur champions ose nëse do të jetë si eventet tradicionale ku do të keni mundësinë të blini skins ekskluzivë ose të fitoni disa cosmetics duke plotësuar disa sfida.
Për sa i përket muajit mars, champion i parë që do të vijë është Katarina dhe pas saj mund të vijnë Leona, Pantheon dhe Diana. Champions e rinj do të vijnë me shumë mundësi në eventin pas Lunar Best të quajtur Path of Ascension.
Gjithashtu gjatë këtyre dy muajve do të vijnë shumë skins si Omega Squad dhe Project Skins. Linja e Project Skins ka një larmishmëri të madhe prandaj nuk e dimë akoma se cili prej tyre do të vijë. Riot Games ka bërë të ditur se nuk e ka publikuar plotësisht atë çfarë ka në plan të sjellë prandaj mund të presim shumë surpriza gjatë muajve të ardhshëm në Wild Rift.