Rainbow Six Siege dhe Ghost Recon Breakpoint do të kenë një crossover event

Rainbow Six Siege do të vijë në Ghost Recon Breakpoint

Ghost Recon Breakpoint do të sjellë një event të ri së shpejti dhe ky event do të jetë një crossover me Rainbow Six Siege. Kësaj here operatorët e Siege do të udhëtojnë drejt arkipelagut të Auroa ku do të ndihmojnë Nomad kundër një rreziku të ri.

Në trailer e publikuar për eventin e ri duket një gaz ngjyrë portokalli i cili po shpërndahet rreth Auroa dhe gjatë këtij trailer mund të shohim disa nga operatorët e Siege të cilët po bëhen gati për të luftuar. Ash, Thatcher dhe Finka shfaqen në trailer bashkë me Nomad i cili është personazhi kryesor i Breakpoint.

Zakonisht eventet e reja në Breakpoint sjellin histori të reja falas bashkë me shumë misione të reja. Gjithashtu ju do të keni mundësinë të përfitoni nga një shumëllojshmëri e madhe shpërblimesh të cilat do të jenë të limituara vetëm gjatë këtij eventi.

Eventi i ri do të quhet Operation Amber Sky dhe do të jetë i ngjashëm me ata të mëparshmit. Operation Amber Sky do të nis më 21 janar dhe jetë i vlefshëm për të gjithë lojtarët të cilën e kanë blerë lojën.