Loja ende vazhdon të rritet me ritme të shpejta
Loja ende vazhdon të rritet me ritme të shpejta
PUBG Mobile ka patur një vit fantastik. Evente që mbushën stadiume, bashkëpunime me shumë personazhe të famshëm, si dhe shumë para.
Loja battle royale në mobile kaloi mbi $1.5 miliardë fitime totale, falë vitit 2019 ku fitoi plot $1.3 miliardë, sipas një raporti nga Sensor Tower. Lojtarët kanë filluar të shpenzojnë më shumë para dhe ka pasur një rritje që prej lançimit të battle pass në maj. Loja ka arritur të fitojë $496 milionë vetëm në çerekun e tretë të 2019.
Në Kinë, Tencent arriti ta monetizojë lojën vetëm pasi lançoi Game for Peace majin e kaluar. Pavarësisht kësaj, versioni kinez përbënte rreth 46% të fitimeve në 2019, ose $614 milionë, duke treguar se sa i madh është tregu në Kinë.
Edhe lojtarët në SHBA kishin shpenzuar shumë. Nga ata, zhvilluesit e PUBG Mobile kishin fituar $293 milionë në 2019, duke i bërë SHBA tregun e dytë më të madh të PUBG Mobile. Japonia ishte e treta me $117 milionë.
Rritja e PUBG Mobile nuk duket se do të ndalojë dhe loja do të gjenerojë edhe më shumë fitime. Update të rregullta, mode të reja dhe kompeticione esports të vazhdueshme i kanë mbajtur lojtarët të tërhequr pas lojës battle royale në mobile. Me Erangel 2.0 dhe një ligë esports që pritet të vijnë në 2020, loja do të ketë një tjetër vit shumë të madh.