Cfarë e bëri CD Projekt Red që të shtyjë përsëri Cyberpunk 2077 kësaj here?
Cfarë e bëri CD Projekt Red që të shtyjë përsëri Cyberpunk 2077 kësaj here?
Para pak ditësh kompania zhvilluese e Cyberpunk 2077, CD Projekt Red, njoftoi në Twitter se loja do të shtyhej me 21 ditë, duke e zhvendosur ditën e lançimit më 10 dhjetor të këtij viti. Ditën e djeshme co-CEO I CD Projekt foli për arsyen e shtyrjes së datës së lançimit dhe problemet që ata kishin.
Si fillim co-CEO i CD Projekt Adam Kicinski kërkoi falje për ketë vonesë dhe u justifikua me faktin që ekipi i tyre e kishte nënvlerësuar pjesën e kohës që iu duhej për të nxjerrë në treg produktin final.
Më pas ai tregoi për publikun se loja është gati për PC dhe konsolat next-gen dhe ata mund ta nxjerrin lojën në kohën e duhur për këto platforma. Arsyeja që loja u shty ishte për shkak të një problemi me optimizimin e lojës në konsolat e tanishme, Playstation 4 dhe Xbox One, pavarësisht se ata e kishin marrë certifikimin nga Sony dhe Microsoft.
Gjithashtu Adam Kicinski shprehet se kompania e tyre mund ta kishte lançuar Cyberpunk 2077 më datë 19 nëntor por duke e shtyrë me tre javë datën e lançimit, ata do të sigurohen se loja do të vijë në cilësinë e duhur dhe pa asnjë problem.
Zëvendës Presidenti i zhvillimit të biznesit u shpreh më vonë se arsyeja pse Cyberpunk 2077 u shty nuk mund të quhet “një problem” por thjesht një konfigurim i nevojshëm i lojës në konsolat e tanishme. Gjithashtu ai u shpreh se kjo vonesë prej tre javësh do të rregullojë çdo bugs, glitches dhe probleme me kualitetin që ata mund të hasin.
Data e re e lançimit të Cyberpunk 2077 është 10 dhjetor dhe shumë njerëz kanë filluar të ndjehen skeptik nëse loja do të vijë kësaj here. Kjo gjë ka bërë që shumë fansa të nisin përsëri shakanë se Cyberpunk 2077 do të vijë më vitin 2077. Nëse do të vijë apo jo, na ngelet ta zbulojmë në javët në vazhdim.
Gjithashtu mos harroni të merrni lajmet dhe informacionet e fundit rreth Cyberpunk 2077 duke klikuar këtu.