Sony mund të zbulojë PlayStation 5 gjatë muajit të ardhshëm

Zbulimi i PS5 mbase është shumë pranë

Me Xbox Series X të Microsoft që u prezantua muajin e kaluar, industria e lojërave është në pritje të PlayStation 5, dhe duket se kjo pritje nuk do të zgjasë edhe shumë.

Për të festuar “25 Years of Play,” Sony do të nisë një event një-mujor të quajtur “Experience PlayStation” në Sony Square në New York City nesër. Festimet mbyllen muajin e ardhshëm, në 16 shkurt, me zërat që thonë se rreth kësaj dite do të zbulohet edhe PlayStation 5.

Kjo gjithashtu do të përputhej me zbulimin e PS4, i cili ndodhi gjithashtu në shkurt, përpara se konsola të lançohej disa muaj më vonë. PS4 u zbulua në një livestream në 21 shkurt 2013 dhe filloi të shitej atë nëntor.

“Experience PlayStation” është ndryshe nga PlayStation Experience, një konventë që kompania ka zhvilluar gjatë viteve të fundit. E quajtur gjithashtu PSX, eventi ishte një mundësi për të prezantuar lojërat e ardhshme në PlayStation .

Para pak kohësh, Sony zbuloi në CES logon e PS5. Eventi tjetër do të duhet të tregojë më shumë, prandaj nuk do qe çudi të shihnim pamjen e konsolës, pamjen e re të controller-it, si dhe lojërat që priet të vijnë.

PS5 pritet të lançohet në fund të këtij viti, prandaj pritet që më shumë lajme për konsolën të zbulohen gjatë muajve të ardhshëm/