Ocelote thotë se G2 Esports do të fitojë Worlds në të ardhmen

G2 nuk duket aspak i demoralizuar

Pas një humbjeje të thellë në finalen e League of Legends Worlds 2019, themeluesi i G2 Esports, Ocelote, tha se organizata duhet të vazhdojë të jetë pozitive dhe të hedhi sytë drejt së ardhmes.

Carlos ‘ocelote’ Rodríguez Santiago thotë se e ka krijuar këtë ekip për të fituar një World Championship, dhe edhe pse nuk arritën ta bënin këtë gjë në turnamentin e këtij viti, ai beson se ky ekip mund të jetë një kampion bote në të ardhmen. Megjithatë, tani ekipi duhet të reflektojë për këtë turnament dhe të shohë se çfarë mund të bëjë për të qënë më të fortë vitin e ardshëm.

“Ky ekip është krijuar për të fituar Worlds. Nuk kemi qënë ndonjëherë më pranë se kaq dhe ndihesh shumë keq kur dështon,” – tha Ocelote. “Edhe nëse do të kalojnë 2 ose 3 vite, fitimi i Worlds mbetet qëllimi yt dhe unë mendoj se kemi ekipin e duhur për ta arritur këtë gjë.”

“Duhet të mësojmë dhe disa gjëra. Worlds është shumë e gjatë, si duhet t’ja bëjmë që të mos humbasim energji? Ne si organizatë mund të kishim dalë më mirë dhe përgjegjësia është e imja në këtë aspekt.”

Pavarësisht kësaj, themeluesi i G2 thotë se ai nuk e ka aspak problem trash talk-un dhe memet në këtë turnament. “Ne kemi qef të argëtohemi. Argëtohesh më shumë kur fiton, por ne jemi mjaftueshëm të mirë sa të tallemi me veten kur gjërat nuk shkojnë siç duhet.”

Pavarësisht humbjes së G2 në Worlds 2019, lojtarët duhet ta mbajnë kokën lart, pasi performanca e tyre gjatë këtij turnamenti ishte shumë e mirë.