Një foto e bërë leak zbulon pamjet e para të DualShock 5

A janë këto pamjet e para të DualShock 5?

Një imazh i ri i bërë leak i PlayStation 5 na tregon neve pamjen e controller-it DualShock 5, si dhe gjithashtu hedh shenja drejt një remake të Demon’s Souls që po zhvillohet nga Bluepoint Games.

E publikuar filimisht në Twitter, fotografia vjen nga një zhvillues anonim dhe tregon devkit-in e konsolës së ardhshme (për të cilën Sony ka konfirmuar pamjen), por kur e shikon nga afër mund të vihen re dhe detaje të tjera.

Mbi konsolë duket fare qartë DualShock 5, controller-i i PlayStation 5, i cili është zbuluar më herët me bërjen leak të patentave të Sony. Siç u tregua dhe në këto patenta, nuk ka shumë ndryshime në versionin e ri të DualShock, por pritet që controller-i i ri të zëvendësojë shiritin e dritës së DualShock 4 me një mikrofon.

Gjithashtu, disa kanë vënë re se nëse shikon më afër kodin që shfaqet përpara devkits, mund të shihet një linjë që shkruan “Demon’s Souls Remake Prototype“. Kjo konfirmon zërat e mëparshëm se Bluepoint Games, studioja që zhvilloi Shadow of the Colossus në PS4, po punon për një remake të RPG-së së FromSoftware nga 2009.

Bluepoint ka konfirmuar më herët se loja e tyre e rradhës do të vijë me lançimin e PS5, në të njëjtin artikull që konfirmonte se konsola e re e Sony do të vinte në fund të 2020.