Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një imazh i versionit të konsolës për zhvilluesit është bërë leak dhe duket se konfirmon dizajnin fillestar në formë V-je.
Falë një leak-u të postuar në kanalin e YouTube të ZONEofTECH, na është mundësuar pamja e parë jo zyrtare e versionit të zhvilluesve për PlayStation 5.
Fotoja është shkrepur të enjten e 10 tetorit nga leaker-i. Gjithsesi pjesa e rëndësishme është se ajo konfirmon dizajnin e patentës origjinale të konsolës. Siç mund ta shikoni edhe më poshtë, dizajni është thuajse identik.
Fotoja e bërë leak gjithashtu na sjell më shumë informacione mbi portat dhe butonat e paisjes. Duket të ketë gjashtë porta USB, ndërkohë që butonat përfshijnë: ON/STANDBY, RESET, EJECT, SYSTEM INIT dhe NETWORK INIT. Sigurisht që konsola përfundimtare PlayStation 5 që do të vijë në raftet e dyqaneve nuk pritet të ketë të njejtin konfigurim.
Dizajni në Formë V-je është diçka që nuk e sheh çdo ditë, por konsolës vërtetë do i duhet shumë fuqi për ftohjen. Sony konfirmoi që do të përdorë një proçesor AMD Zen 2 (7nm) dhe një AMD Radeon Navi për grafikat.
Hardware-i i PS5 përfshin një sektor të veçantë për 3D audio, një SSD të dedikuar, që mendohet të jetë kyçe në mënyrën se si do të zhvillohen lojërat për konsolën, një optical drive Ultra HD Blu-Ray që mbështet disqe deri në 100 GB dhe format videosh 4K Blu-ray.
Gjithashtu dimë se momentet ku gameplay qëndron pezull do të harxhojnë shumë më pak energji se në PlayStation 4. Sony e bëri këtë si pjesë e inciativës ‘Playing for the Planet’ të UN.
Lançimi i PlayStation 5 është konfirmuar për fundin e 2020s. Gjasat janë që do të mësojmë më shumë për të në muajt e ardhshëm.
