Fundi i vitit 2020 pothuajse ka ardhur dhe është koha për t’i dhënë lamtumirën. Por lind pyetja: Çfarë ndodhi gjatë këtij viti? Çfarë ndikim kishte ky vit në industrinë e gaming dhe çfarë pasojash la në ketë fushë?
Microsoft blen Bethesda dhe përmirëson Game Pass
Gjatë muajit shtator Microsoft vendosi të blejë Zenimax Media e cila është kompania mëmë e Bethesda dhe shumë kompanive të tjera të zhvillimit dhe publikimit të lojërave për afërsisht 7.5 miliardë dollarë amerikanë.
Blerja e Bethesda nga Microsoft ishte një ngarje e cila shqetësoi shumë PlayStation por solli një të mirë për PC pasi të gjitha lojërat e Bethesda do të jenë pjesë e Xbox Game Pass. Një ndër to është Doom Eternal i cili erdhi në Game Pass më 3 dhjetor kurse The Elders Scrolls 6 dhe Starfield do të jenë pjesë që në daljen në treg të tyre.
MiHoYo prezanton Genshin Impact bashkë me një lloj tjetër microtransactions
Genshin Impact e kam luajtur pothuajse që prej lançimit dhe mund të them me afërsisht 70 orë të luajtura jam argëtuar shumë. Edhe pse mund të jetë tepër e ngjashme me Breath of the Wild, Genshin Impact është një lojë e cila nuk ka për t’iu mërzitur kollaj dhe se keni goxha gjëra për të bërë dhe për t’u argëtuar.
Duhet përmendur fakti se ndonjëherë për të arritur diçka të duhet goxha punë. Gjithashtu sistemi gacha është pak me kleçkë. Nëse jeni një person “me fat” ju mund të merrni personazhet më të mira lehtësisht. Por mund të ndodh që ta merrni personazhin që dëshironi pas shumë e shumë e shumë përpjekjesh dhe kohe dhe mundi të harxhuar në lojë njësoj si puna ime për të marrë Fischl.
Por përsëri duhet të pranojmë që Genshin Impact është një lojë vërtet argëtuese e cila solli një ndryshim të madh në modelin financiar të lojërave duke arritur fitime tepër të mëdha.
Loja e Amazon, Crucible, hidhet në treg, kthehet përsëri në beta dhe më pas hiqet fare nga tregu
Gjatë këtij viti Amazon provoi të hynte në tregun e gaming nëpërmjet lojës Crucible por fatkeqësisht dështoi. Crucible është një lojë PvPvE e vendosur në një hartë tepër të madhe të cilën lojtarët e quajtën të mërzitshme.
Pasi Amazon pati një hedhje në treg të pasuksesshme të lojës vendosi që ta kthente atë përsëri në closed beta. Fatkeqësisht disa muaj më pas projekti u mbyll. Kjo gjë na bëri të kuptojmë se edhe kompanitë e mëdha si Amazon e kanë tepër të vështirë të hyjnë në industrinë e gaming.
Scalpers bënë goxha lekë
Që prej kartave grafike dhe deri tek konsolet, scalepers e kanë boshatisur tregun nga këto produkte nëpërmjet bots të cilët i blenë këto produkte menjëherë sa dolën në treg. Dhe do pyesni veten: çfarë bënë ata me këto produkte? Përgjigjja është e thjeshtë, u shitën përsëri por për një çmim tepër të lartë duke fituar shuma goxha të larta parash. Gjithashtu kjo gjë ka berë që një krizë të shkaktohet në treg për këto produkte.
Among Us arrin të bëhet popullore dy vite pas lançimit
E kujt mund t’ia priste mendja se një lojë e nxjerrë në treg para 2 vitesh mund të bëhej një ndër lojërat më të suksesshme. Aspekti social i lojës ishte ajo çfarë bëri që loja të fitonte një popullaritet kaq të madh në ketë kohë pandemie. Kjo gjë na mësoi se industria e gaming mund të ndryshojë fokusin në çdo moment dhe se asnjëherë nuk i dihet se ku do të jetë fokusi kryesor nesër.
Sfida Apple vs. Epic
Epic erdhi fuqishëm në treg duke lançuar platformën e saj Epic Store dhe duke sfiduar Steam e cila merrte 30% të shitjeve. Së fundmi Epic sfidoi Apple duke shkaktuar një rrëmujë tepër të madhe. Epic bëri të mundur blerjen e produkteve in-game për Fortnite nëpërmjet platformës së saj duke bërë bypass dyqanin e Apple i cili merrte 30% të shitjeve.
Gjithsesi Apple nuk i pëlqeu kjo gjë dhe hoqi nga dyqani i saj App Store Fortnite. Dhe kjo bëri që një gjyq midis Apple dhe Epic të hapej. Do të na duhet të presim akoma për të mësuar se si do të zhvillohen ngjarjet.
Sony më në fund solli një lojë ekskluzive të saj në PC.
Më në fund pas kaq shumë kohësh, Sony solli në PC një ndër lojërat e saj më të pëlqyera nga lojtarët, Horizon: Zero Dawn. Ndoshta shumë prej jush mund të pyesni veten se pse Sony do të sillte për PC një ndër lojërat e saj ekskluzive të saj kur shumica e njerëzve blejnë konsolat e Sony vetëm për të luajtur këto lojëra.
Pas lançimit në PC, shitjet e Horizon: Zero Dawn u rritën ndjeshëm duke sjellë akoma më shumë fitime për Sony. Kjo gjë mund të bëjë që në të ardhmen shumë lojëra të tjera të Sony mund të vijnë në PC.
SSD bëhen prioritet
Dikur HDD kanë qënë një ndër pajisjet kryesore që PC dhe konsolat përdornin por sot i përket të shkuarës. SSD ofron shpejtësi më të madhe se HDD dhe gjithashtu çmimet e SSD janë bërë tepër të lira duke bërë të mundur që pothuajse të gjitha gaming PC, PlayStation 5 dhe Xbox Series X|S të jetë të pajisura me të.
Riot synon të jetë pjesë e gjithçkaje në të ardhmen
Nëpërmjet lojës më të fundit, Valorant, Riot Games synon që të jetë pjesë e çdo zhanri në industrinë e lojërave dhe gjithashtu edhe në industrinë e kinematografisë. Riot ka bërë të ditur që së fundmi po punon në një lojë fighting, action-RPG, TV Show, MMO dhe sigurisht t’i bëjë këto lojërat ose seriale më të famshme dhe popullore.
Nëpërmjet kësaj Riot synon të konkurrojë nëpër shumë fusha të ndryshme. Së fundmi nëpërmjet Valorant, Riot synon që të sfidojë CS:GO si në aspektin casual po ashtu edhe në atë profesional.
Cloud Gaming vazhdon të avancojë dhe të bëhet më popullore
Shumë prej nesh jemi mësuar me PC ose konsolen tonë ta kemi afër teksa luajmë lojën tonë të preferuar. Por mund të ndodhë që të jeni duke udhëtuar ose nuk keni mundësinë ta keni një të tillë. Këtu hyn në skenë Cloud Gaming i cili iu mundëson të luani çdo lojë në një laptop ose pajisje mobile vetëm duke patur një linjë të mirë interneti.
Edhe pse akoma nuk është përshtatur shumë mirë në treg, mund të themi që këtë vit ka avancuar goxha sidomos gjatë kësaj periudhe pandemie. Momentalisht Stadia dhe Nvidia Geforce Now janë dy platformat kryesore.
Stadia ofrohet në disa shtete dhe nëse dëshironi të luani do t’iu duhet ta blini lojën për atë platformë pa përfshirë abonimin. Kurse Geforce Now është më ndryshe se Stadia. Ju mund të luani falas ose me abonim dhe keni mundësitë të luani të gjitha lojërat që platforma suporton nëse ju i keni ato për PC. Keni mundësinë të luani lojëra të cilat janë pjesë e platformave si Steam, Epic Store, Ubisoft etc.
Unë personalisht kam shpenzuar një kohë tepër të gjatë në Geforce Noë duke eksploruar lojëra të ndryshme në librarinë time dhe mund të them që kam patur një eksperiencë tepër të mirë pasi mu dha mundësia për të luajtur lojëra të cilat laptopi im nuk m’i jepte dot mundëstë. Gjithashtu në ketë periudhë krize për serinë e re të RTX 30 series, Geforce Noë bën të mundur që ju të luani Cyberpunk 2077 pa asnjë problem.
Nëse Cloud Gaming do të jetë e ardhmja e gaming do të na duhet të presim edhe pak kohë.