Genshin Impact eklipson Fortnite dhe PUBG me të ardhurat e muajit të lançimit

Zhvilluesi kinez miHoYo janë në momentin më të mirë të jetës së tyre pas lançimit global super të suksesshëm të Genshin Impact. Loja open-world RPG është bërë nga më populloret në mobile që pas lançimit të saj.

Sensor Tower ka raportuar se Genshin Impact ka fituar afërsisht rreth $250 milionë nga shpenzimet brenda në lojë të lojtarëve. Shifra është nga një periudhë një mujore, që nga lançimi i lojës në 29 shtator. Ajo ka patur një mesatare prej $60 milionë në javë që nga lançimi dhe rritja e saj nuk duket të ngadalësojë.

Loja ka kaluar edhe lojëra të mëdha si Fortnite Mobile, përsa i përket të ardhurave nga lançimi. Gjithashtu ka ka kaluar fitimet e lojërave virale si PUBG Mobile, Pokemon Go dhe Honor of Kings.

Zhvilluesit kinezë po tentojnë të çajnë drejt perëndimit

Duke folur për këtë sukses, Daniel Ahman tha: “Zhvilluesit kinezë kanë kohë që tentojnë të kapin audiencat perëndimore, pa humbur ato që kanë momentalisht.”

Genshin mund të jetë loja e parë në një listë të gjatë lojërash kineze që dominojnë industrinë. Mund të vijë si një lajm i mirë për fansat pasi ata kanë mundësinë kështu të përjetojnë lojëra interesante.