2020 premton të jetë një vit fantastik për mobile gamers
2020 premton të jetë një vit fantastik për mobile gamers
2019 ka sjellë ndryshime të mëdha në industrinë e lojërave në mobile. Apple zbuloi shërbimin e tyre për lojëra në mobile, Apple Arcade. Call of Duty: Mobile arriti 100 milionë shkarkime gjatë javës së parë pas lançimit. Pokemon Go arriti $894 milionë fitime në 2019, shumë më shumë se në lançimin e lojës në 2016.
Duket fare qartë se shumë studio të mëdha po kalojnë drejt lojërave mobile. Sipas statistikave, pritet që numri i lojtarëve mobile në të gjithë botën të jetë 2.5 miliardë në 2020, ndërkohë që fitimet e kësaj industrie të arrijnë $91.2 miliardë në 2021. Tregu i lojërave në mobile ka potencial dhe fitime marramendëse.
Lojërat të cilat pritet të vijnë në mobile për 2020 janë fantastike dhe këto janë disa prej sugjerimeve tona për këtë vit.
Minecraft Earth është një lojë augmented reality për mobile e bazuar në Minecraft. Kjo do të thotë se, nëpërmjet telefonit tuaj, ju do të keni mundësi të krijoni, eksploroni, ndërtoni dhe mbijetoni duke bashkuar botën e Minecraft me atë reale. Ju mund ta testoni Minecraft Earth në Early Access duke e shkarkuar atë në App Store dhe Play Store tani.
EVE Echoes, versioni zyrtar i EVE për mobile i publikuar nga NetEase dhe CCP, u fut në open beta në 2 dhjetor 2019. Nëse jeni i apasionuar pas lojërave hapësinore ose pas EVE, kjo është një lojë e cila nuk duhet humbur. EVE Echoes është një MMO hapësinore me mbi 100 anije të ndryshme dhe shumë. Për t’u regjistruar, vizitoni website-in e lojës.
Për 10 vjetorin e kompanisë, Riot Games zbuloi se do të lançonte League of Legends: Wild Rift, një version për konsola dhe mobile i LoL. Loja do të ketë të njëjtën strukture MOBA 5v5, me ndeshje që do të zgjasin 15-20 minuta. Ju mund të regjistroheni paraprakisht në Google Play, ose në website-in e lojës.
Duke qëndruar tek lojërat e Riot, zhvilluesi gjithashtu zbuloi gjatë 10 vjetorit se Teamfight Tactics, autobattler-i i tyre i bazuar tek League of Legends, do të vijë në mobile. Tashmë, kemi dhe një datë zyrtare lançimi, pasi TFT Mobile pritet të vijë në mes të marsit. Loja do të suportojë cross-play midis PC dhe mobile.
Blizzard zbuloi në BlizzCon 2018 se, në bashkëpunim me NetEase, do të sillte Diablo në mobile nëpërmjet Diablo Immortal. Loja pritet të vendoset midis Diablo 2 dhe Diablo 3 për sa i përket periudhës historike dhe ju do të keni mundësi të luani si gjashtë klasa: Barbarian, Crusader, Demon Hunter, Monk, Necromancer dhe Wizard.
Chris Lee, drejtori i Netflix për lojërat interaktive, zbuloi në E3 2019 se do të sillte një lojë RPG të bazuar tek seriali Stranger Things për mobile në 2020. Netflix po e zhvillon lojën në bashkëpunim me studion finlandeze Next Games. Loja pritet të integrojë Google Maps dhe do të përdorë vendndodhjen tuaj për të eskploruar The Upside Down.
Tsunekazu Ishihara, CEO i Pokemon Company, tha se Pokemon Sleep pritet të lançohet në 2020. Loja është e ngjashme me Pokemon Go, por në vend që të ecni, ju duhet të… flini gjumë. Me anë të një pajisjeje të re, Pokemon Go Plus+ (mbase mund të kishin gjetur një emër më të mirë), loja do të masë orët tuaja të gjumit dhe do të monitorojë mënyrën se si flini, ndërkohë që gjatë ditës do të sillet si Pokemon Go Plus i thjeshtë. Loja dhe pajisja ende nuk kanë një datë lançimi.
Apex Legends është lançuar falas për PC, PlayStation 4 dhe Xbox One, por CEO i EA, Andrew Wilson, ka plane ta sjellë lojën edhe në mobile, duke u fokusuar kryesisht në Azi. Pritet që versioni mobile i lojës të vijë pas tetorit të këtij viti, por asgjë nuk është zyrtare.
Slightly Mad Studios janë një studio e dedikuar për lojëra racing, të cilët morrën famë pas lançimit të Need for Speed: Shift në 2009. Ata kanë lançuar më pas dy lojëra Project Cars, në 2015 dhe 2017, të cilat janë disa prej simulimeve më të mira të garimit në jetën reale. Ata thuhet se gjithashtu po punojnë për Project Cars GO, por ende nuk dihet një datë zyrtare lançimi.