EVE Echoes lançohet në open beta në mobile

Merreni anijen tuaj hapësinore kudo me vete!

EVE Echoes është një version mobile i serisë mjaft të njohur EVE Online. Ajo kaloi në një program closed alpha disa muaj më parë. Pritej që një beta për EVE Echoes të vinte rreth dhjetorit dhe ja ku jemi. Publikuesi i lojës NetEase ka deklaruar se loja ka ardhur zyrtarisht në beta.

Tani për tani, beta e EVE Echoes ka ardhur vetëm për lojtarët nga Australia, SHBA, Kanadaja, Rusia, Europa, Korea e Jugut dhe Zelanda e Re. Ende nuk dihet se kur do të vijë loja në rajonet e tjera të botës. Përdoruesit që kanë marrë pjesë në fazën alpha të lojës mund të kalojnë progresin e tyre në beta.

Përveç ruajtjes së mekanikave të EVE, EVE Echoes sjell gjithashtu tutorials për lojtarët e rinj. Eksperienca e EVE në tërësi është pak komplekse për lojtarët që nuk e njohin mirë lojën, prandaj NetEase ka marrë vendimin për ta shtuar këtë gjë. Gjithashtu, beta e lojës sjell një lloj të ri misioni të quajtur Storyline Missions.

Open Beta e EVE Echoes sjell anije më të avancuara dhe module të reja në lojë, si dhe trajton në një mënyrë tjetër dronet. Për ta mbajtur eksperiencën sa më autentike, open beta sjell një platformë të re tregtie të quajtur Interstellar Trading Center (ITC).

EVE Online ka marrë mjaft famë si një lojë ku lojtaërt harxhojnë shifra marramendëse dhe ishte gjithashtu përgjegjëse për një prej betejave online më të shtrenjta, e cila i kushtoi lojtarëve plot $300,000 reale. Duke marrë parasysh shifrat që lojtarët shpenzojnë në microtransactions në lojërat mobile, nuk do të kalojë shumë kohë përpara se EVE Echoes ta thyejë këtë rekord.

NetEase nuk ka përmendur asnjë datë për EVE Echoes deri më tani. Bazuar në spekulime, do të na duhet të presim të paktën deri në mars të 2020 përpara se të marrim informacione mbi lançimin e plotë të lojës. Mund të regjistroheni në open beta në faqen zyrtare.